অসম লাইভ২৪ঃ সফলভাৱে চন্দ্ৰৰ দিশে আগবাঢ়িছে চন্দ্ৰযান-৩। চন্দ্ৰযান-৩ য়ে পৃথিৱীৰ তৃতীয়টো কক্ষপথ সফলভাৱে প্ৰদক্ষিণ কৰি ৪ৰ্থ কক্ষপথত প্ৰৱেশ কৰিছে। ২০ জুলাইৰ দুপৰীয়া প্ৰায় ২ৰ পৰা ৩ বজাৰ ভিতৰত পৃথিৱীৰ চতুৰ্থটো কক্ষপথত প্ৰৱেশ কৰিছে চন্দ্ৰযান-৩য়ে। আন্তৰ্জাতিক চন্দ্ৰ দিৱসৰ দিনাই এই তথ্য প্ৰকাশ কৰিছে ইছৰোৱে।
কি কৈছে ইছৰোৰ তৰফৰ পৰা?
মহাকাশ গৱেষণা সংস্থা ইছৰোৱে জনোৱা অনুসৰি পৃথিৱীৰ চতুৰ্থ কক্ষপথত সফলভাৱে প্ৰৱেশ কৰিছে চন্দ্ৰযান-৩। ফলত স্বাভাৱিকভাৱেই চন্দ্ৰৰ আৰু কাষ পাইছেগৈ চন্দ্ৰযানঃ৩। আগন্তুক ২৫ জুলাইত পৃথিৱীৰ পঞ্চমটো কক্ষপথত ভৰি দিব চন্দ্ৰযান-৩য়ে। এই এটা ঢাপ পাৰ হ’বলৈকে সময় লাগিব প্ৰায়ল ৪দিন। উল্লেখ্য যে ১৪ জুলাইত শ্ৰী হৰিকোটাৰ সতীশ ধাৱান স্পেছ চেণ্টাৰৰ পৰা LVM3-M4 ৰকেটত উঠি চন্দ্ৰলৈ যাত্ৰা কৰিছে চন্দ্ৰযান-৩য়ে। উৎক্ষেপণৰ ১৭মিনিটৰ ভিতৰতেই পৃথিৱীৰ কক্ষপথত ভৰি দিয়ে চন্দ্ৰযান-৩য়ে। চন্দ্ৰযান-৩ অভিযানৰ দায়িত্বত থকা ডাইৰেক্টৰ পি ভিৰামুথুভেলে এই সন্দৰ্ভত কয়, ‘ISRO য়ে চন্দ্ৰযান-৩ ৰ প্ৰতিটো মুহূৰ্ততেই নজৰ ৰাখিছে।’
কেতিয়া চন্দ্ৰৰ কক্ষপথত ভৰি দিব চন্দ্ৰযান-৩য়ে?
আগন্তুক ৫ ৰ পৰা ৬ আগষ্টত চন্দ্ৰৰ কক্ষপথত ভৰি দিব চন্দ্ৰযান-৩য়ে। ২৩ আগষ্টত চন্দ্ৰযান-৩য়ে লেণ্ডিং কৰিব চন্দ্ৰপৃষ্ঠত। চন্দ্ৰপৃষ্ঠত সোমোৱাৰ লগে লগেই বাহিৰলৈ ওলাই আহিব ৰোভাৰ। চন্দ্ৰৰ পোহৰ নাপালে কিন্তু চন্দ্ৰপৃষ্ঠত নামিব নোৱাৰিব চন্দ্ৰযান-৩। ২৩-২৪ তাৰিখে চন্দ্ৰত অৱতৰণ কাৰ পাছতেই চন্দ্ৰযান-৩য়ে পৃথিৱীলৈ পঠিয়াব ছবি। চন্দ্ৰৰ দক্ষিণ মেৰুত অৱতৰণ কৰিব ইছৰোৱে পঠোৱা যানখনে। ইয়াৰ পূৰ্বে ২০১৯ চনতো চন্দ্ৰযান-২ চন্দ্ৰলৈ পঠিয়াইছিল বিজ্ঞানীৰ দলটোৱে। কিন্তু সেইবাৰ সফল হ’ব নোৱাৰিলে বিজ্ঞানীৰ দলটো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
