ভুল বাতৰিঃ ঠেলি ৰে’ল ষ্টাৰ্ট কৰাৰ ঘটনা কতোৱেই সম্ভৱ নহয়, ৰে’ল মন্ত্ৰণালয়ৰ মুখপাত্ৰ অমিতাভ শৰ্মাই কি কৈছে?

অসম লাইভ২৪ঃ সোমবাৰে পুৱাৰে পৰা সামাজিক মাধ্যমত ভাইৰেল হৈছে এটা বিশেষ ভিডিঅ’। ভিডিঅ’টোত দেখা গৈছে যে সেনাৰ জোৱান, আৰক্ষীৰ দল, ৰে’লৱেৰ কৰ্মচাৰী, স্থানীয় লোকে মিলি যাত্ৰীসকলে ৰে’ল এখন ঠেলিবলৈ চেষ্টা কৰিছে৷ ৰে’ল ঠেলাৰ এই ভিডিঅ’কৈ বহুতেই সমালোচনা কৰিছিল ৰে’ল বিভাগক৷ কিন্তু ভাইৰেল এই ভিডিঅ’ সন্দৰ্ভত বিশেষ টুইট কৰিছে ভাৰতীয় ৰে’ল বিভাগে৷

বিৰোধী বহুকেইজন নেতাই এই ভিডিঅ’ শ্বেয়াৰ কৰাৰ ওপৰিও বহুকেইটা সংবাদ মাধ্যমতো এই ভিডিঅ’ শ্বেয়াৰ হৈছিল৷ প্ৰায়সংখ্যকেই ভিডিঅ’টোৰ কেপশ্ব্যনত লিখিছিল যে, শ শ যাত্ৰী কঢ়িয়াই অনা ভাৰতীয় এখন ৰে’ল স্তব্ধ হৈ পৰিছে আৰু পুনৰ যাত্ৰা আৰম্ভ কৰিবলৈ এনেদৰে ঠেলা হৈছে৷

https://twitter.com/SpokespersonIR/status/1678290160557912066?s=20

অৱশ্যে এয়া সম্পূৰ্ণ মিছা বুলি টুইট কৰিছে কৰিছে ভাৰতীয় ৰে’ল বিভাগে৷ বিভ্ৰান্তিকৰ এনে বাতৰি শ্বেয়াৰ নকৰিব বুলিও টুইটাৰত উল্লেখ কৰিছে ৰে’ল বিভাগে৷ তেওঁলোকে দাবী কৰামতে এই ভিডিঅ’ ২০২৩ চনৰ ৭ জুলাই তাৰিখে হাওৰা-ছেকেন্দ্ৰাবাদ অভিমুখি ফালাকনুমা এক্সপ্ৰেছৰ ৫টা ডবা জ্বলি উঠাৰ সময়ৰ হে ভিডিঅ’৷ জুই অন্য ডবালৈ বিয়পাত বাধা দিবলৈ তাৎক্ষণিকভাবে পিছফালৰ ৩টা ডবা উদ্ধাৰকাৰী, সেনা আৰু স্থানীয় ৰাইজে ঠেলি আঁতৰাবলৈ যত্ন কৰিছিল৷

ক্ষতিগ্ৰস্ত ডবাৰ পৰা অইন কেইটা ডবালৈ জুই বিয়পি নাযাবলৈহে এই পন্থা লৈছিল উদ্ধাৰকাৰী দলে৷ ডবাকেইটা ৰক্ষা কৰাৰ বাবে ইঞ্জিন আহি পোৱালৈ অপেক্ষা নকৰি ততাতৈয়াকৈ ডবাকেইটা ঠেলি বিচ্ছিন্ন কৰিছিল উদ্ধাৰকাৰীসকলে। ইতিমধ্যে ৰে’ল মন্ত্ৰালয়ৰ মুখপাত্ৰ অমিতাভ শৰ্মাই এই কথা স্পষ্ট কৰিছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ