অসম লাইভ২৪ঃ মাতৃ হ’ল অভিনেত্ৰী ছানা খান। কিছুসময় পূৰ্বেই সামাজিক মাধ্যমত এই ভাল খবৰটো শ্বেয়াৰ কৰিছে ছানাই। এটা লৰা সন্তানৰ মাতৃ হ’ল ছানা। বিবাহৰ পাছতেই বলীউড ত্যাগ কৰি অন্য এক জীৱন আদৰি লৈছিল ছানাই। বলীউডৰ পৰা আঁতৰি স্বামী উমৰাহৰ সৈতে একেবাৰেই কট্টৰ মুছলমান এগৰাকী বোৱাৰী হিচাপে নিজকে গঢ় দিছে ছানাই। বিবাহৰ পাছতেই গ্লেমাৰ ৱাৰ্ল্ডৰ পৰা আঁতৰি ধৰ্ম-কৰ্মত মন দিছিল ছানাই।
ছানাই ব্যতিক্ৰম জীৱনটো আদৰি লোৱাক লৈ এটা মন্তব্যত কৈছিল, ‘এয়া জীৱনৰ এক অনন্য অনুভূতি। আহিবলগা সময়ক লৈ মই খুবেই উচ্ছ্বাসিত। নতুন বাটেৰে যাত্ৰা আৰম্ভ কৰিছো। বহু কথাই সলনি হৈছে। হিজাব নিপিন্ধাকৈ এতিয়া মই থাকিব নোৱাৰো। বিদেশলৈ ছুটি কটাবলৈ গ’লেও সকলোসময়তেই হিজাব বোৰ্খা পৰিধান কৰো।’
বিগত কেইমান পূৰ্বে ছানাই মাতৃ হ’বলৈ ওলোৱাৰ খবৰটো নিজেই দিছিল। ছানাই এই সন্দৰ্ভত কৈছিল, ‘মাতৃ হোৱাৰ অনুভূতি প্ৰত্যেক নাৰীৰ জীৱনৰেই অনন্য অনুভূতি। এই যাত্ৰা খুবেই সুন্দৰ। মই সন্তানক কোলাত ল’বলৈ অপেক্ষা কৰি আছো।’ ছানাই অপেক্ষা কৰি থকা সেই ক্ষণটো আহিল। আজি অৰ্থাৎ বুধবাৰে এটা পুত্ৰ সন্তানৰ মাতৃ হ’ল ছানা খান।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
