অসম লাইভ২৪ঃ সৰ্বোচ্চ ন্যায়ালয়ে শাস্তি স্থগিত ৰখাৰ পাছতেই সোমবাৰে পুৱাই আহিল ভালখবৰটো। ৰাহুল গান্ধীয়ে উভতাই পালে সাংসদ পদ। উচ্চতম ন্যায়ালয়ে ৰাহুল গান্ধীৰ শাস্তি স্থগিত ৰখাৰ শুনানি দিয়াৰ ৪৮ ঘণ্টা পাছতেই সাংসদ পদ ঘূৰাই দিয়া হ’ল ৰাহুল গান্ধীক। লোকসভাৰ স্পিকাৰ ওম বিড়ালাই এই নিৰ্দেশনা প্ৰকাশ কৰিছে। লোকসভাৰ অধ্যক্ষৰ কাৰ্যালয়ৰ পৰা সোমবাৰে পুৱাই ৰাহুললৈ প্ৰেৰণ কৰা হৈছে পত্ৰ। সোমবাৰে এই নিৰ্দেশনা দিয়াৰ পাছতেই মঙলবাৰে সংসদত প্রধানমন্ত্ৰী নৰেন্দ্ৰ মোদীৰ বিৰুদ্ধে যি অনাস্তা প্ৰস্তাৱ আনিবলৈ আগবাঢ়িছে বিজেপি। সেই কাৰ্যসূচীতেই যোগ দিব পাৰে ৰাহুলেও। কংগ্ৰেছৰ সূত্ৰৰ খবৰ অনুসৰি সোমবাৰে দুপৰীয়া ১২ বজাত লোকসভাত উপস্থিত হৈছে ৰাহুল গান্ধী।
মোদী উপাধীক অৱমাননা কৰাৰ অপৰাধত ৰাহুলক মাৰ্চ মাহত দোষী সাব্যস্ত কৰা হৈছিল ৰাহুলক। চুৰাটৰ আদালতে এই শাস্তি বিহিছিল ৰাহুলক। দুবছৰ কাৰাদণ্ডও দিছিল চুৰাট মেজিষ্ট্ৰেট আদালতে। চুৰাট মেজিষ্ট্ৰেট আদালতৰ ন্যায়াধীশগৰাকী এসময়ত দেশৰ গৃহমন্ত্ৰী অমিত শ্বাহৰো অধিবক্তা আছিল। তেঁৱেই ৰাহুলক এই শাস্তি বিহিছিল। কাৰাবাসৰ শাস্তি ঘোষণা কৰাৰ পাছতেই ৰাহুলে হেৰুৱাই সাংসদ পদ। জনপ্ৰতিনিধিত্ব আইনৰ ৮(১) ধাৰা অনুসৰি কোনো অপৰাধত দোষী সাব্যস্ত হ’লে সাংসদ-বিধায়কে দুবছৰ বা তাতকৈকো বেছি কাৰাদণ্ড বিহিলে তৎক্ষণাত তেওঁক সাংসদ বা বিধায়ক পদৰ পৰা আঁতৰাই দিয়া হয়। এই শাস্তিৰ বাবেই আগন্তুক লোকসভা নিৰ্বাচনতো ৰাহুল প্ৰাৰ্থী হ’ব নোৱাৰাটো খাটাং হৈ পৰিছিল। কিন্তু শুকুৰবাৰে ৰাহুলৰ সেই শাস্তিৰ নিৰ্দেশত স্থগিতাদেশ আনিছে সৰ্বোচ্চ ন্যায়ালয়ে। সৰ্বোচ্চ ন্যায়ালয়ৰ এই সিদ্ধান্তৰ পাছতেই ৰাহুলৰ সাংসদ ওভটাই দিয়া হৈছে।
শুকুৰবাৰে সৰ্বোচ্চ ন্যায়ালয়ে দিয়া স্থগিতাদেশৰ পাছতেই সাংসদ পদ ঘূৰাই দিয়া হৈছে ৰাহুলক। কংগ্ৰেছে সৰ্বোচ্চ ন্যায়ালয়ৰ এই ৰায়ৰ পাছতেই লোকসভাৰ অধ্যক্ষলৈ আৰ্জি দিছিল। কংগ্ৰেছ নেতা কেচি বেণুগোপালে এই সন্দৰ্ভত কৈছিল, ‘যেনেকৈ তাৎক্ষণিকভাৱে ৰাহুলৰ পৰা সাংসদ পদ কাঢ়ি লোৱা হৈছিল তেনেকৈ তাৎক্ষণিকভাৱে ৰাহুলৰ সাংসদ পদ উভতাই দিয়ক অধ্যক্ষই।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
