অসম লাইভ ২৪ঃ ৰাফেলৰ সৈতে আছে অসমৰ সম্পৰ্ক। বুধবাৰে ভাৰতৰ ভূমিত অৱতৰণ কৰা মহা শক্তিশালী যুঁজাৰু বিমান ৰাফেলৰ সৈতে এক বিশেষ সম্পৰ্ক আছে অসমৰ। ৰাফেলৰ ভাৰতীয় প্ৰতীক চিহ্ন অংকন কৰিছে অসমৰ এজন যুৱকে। এই ল’গ’ ডিজাইন কৰিছে সৌৰভ চৌৰাদিয়া নামৰ অসমৰ এজন ডিজাইনাৰে। সৌৰভ চৌৰাদিয়াই তৈয়াৰ কৰা এই ল’গ’ ৰাফেলত ভাৰতীয় প্ৰতীকৰূপে জিলিকি থকাৰ উপৰি সংলগ্ন হ’ব ৰাফেলৰ দায়িত্বত থকা গ’ল্ডেন এৰ’ স্কোৱাডনৰ ইউনিফৰ্মত। উল্লেখ্য, দিল্লীৰ এটা প্ৰতিষ্ঠানত 3D গ্ৰাফিক্স ডিজাইনাৰৰূপে কৰ্মৰত সৌৰভ। ভাৰতীয় বায়ুসেনাই এই দায়িত্ব অৰ্পণ কৰিছিল সৌৰভক। চিৰাঙৰ বাসুগাঁৱৰ বাসিন্দা ২২ বৰ্ষীয় সৌৰভ চৌৰাদিয়া। সৌৰভে সংবাদ মাধ্যমক জনায় যে তেওঁ এই ল’গ’ প্ৰস্তুত কৰি সুখী আৰু গৌৰৱ অনুভৱ কৰিছে। ৰাফেল যুঁজাৰু বিমান আৰু গ’ল্ডেন এৰ’ৰ জোৱানৰ ইউনিৰ্ফমত জিলিকিব হিমালয়ান ঈগলৰ লগত সোণালী কাঁড়যুক্ত ল’গ’। তদুপৰি ৰাফেলৰ বিমানত সংলগ্ন হ’ব সৌৰভে ডিজাইন কৰা ল’গ’ সহিতে জাতীয় পতাকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
