অসম লাইভ ২৪ঃ সুশান্ত সিং ৰাজপুতৰ মৃত্যুৰ বাবে সুশান্তৰ প্ৰেমিকা ৰিয়া চক্ৰৱর্তীৰ বিৰুদ্ধে গুৰুতৰ অভিযোগ উত্থাপন কৰিলে প্ৰয়াত অভিনেতাগৰাকীৰ পিতৃ কে কে সিঙে। বিহাৰৰ পাটনা থানাত দাখিল কৰা অভিযোগত পিতৃয়ে উল্লেখ কৰিছে যে ‘ৰিয়াই সুশান্তক পাগল প্ৰমাণিত কৰাৰ চেষ্টা কৰিছিল। ৰিয়াৰ পৰিয়ালৰ বিৰুদ্ধেও অভিযোগ কৰিছে সুশান্তৰ পিতৃয়ে। ৰিয়া আৰু ৰিয়াৰ পৰিয়ালে মিলি সুশান্তৰ বেংক একাউণ্টৰ পৰা প্ৰায় ১৫ কোটি টকা সৰকাইছিল। কেৱল সেয়াই নহয়, সুশান্তে যেতিয়া তাৰ বন্ধু মহেশ চেট্ৰীৰ সৈতে কাম কৰাৰ কথা ভাবিছিল, তেতিয়া ৰিয়াই সুশান্তৰ ক্ৰেডিট কার্ডসহ অন্যান্য জৰুৰী কাগজ-পত্ৰ সুশান্তৰ পৰা লৈ গৈছিল। তাৰ পাছৰ পৰা সুশান্তক বিভিন্ন ভাবুকি দি আহিছিল ৰিয়াই। বান্দ্ৰাৰ ফ্লেটত থকাৰ আগতে সুশান্তই যি ঘৰত আছিল, সেই ঘৰটোত ভূত-প্ৰেত আছে বুলি ৰিয়াই দাবী কৰি সুশান্তক বান্দ্ৰাৰ ফ্লেটলৈ লৈ আহে। তাৰ পাছত পৰিয়ালৰ সৈতে সেই ফ্লেটত থাকোতে সুশান্তে আত্মহত্যাৰ পথ বাচি লয়। সুশান্তৰ পিতৃয়ে আৰু অভিযোগ কৰিছে যে সুশান্তক অধিক মানসিক অৱসাদৰ দিশে ঠেলি দিছিল ৰিয়াই। ডেংগু ৰোগৰ ঔষধ বুলি মানসিক ৰোগৰ ঔষধ খুৱাই আহিছিল ৰিয়াই সুশান্তক। ড্ৰাগছৰ অভাৰ ড’জো দিছিল সুশান্তক। যাৰ বাবে লাহে লাহে স্থিতাৱস্থা হেৰুৱাই পেলাইছিল সুশান্তে। ইয়াৰ উপৰিও ৰিয়াই সুশান্তক ভাবুকি দিছিল তাইৰ কথামতে নচলিলে ছ’চিয়েল মিডিয়াত সুশান্তক পাগল প্ৰমাণিত কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
