অসম লাইভ২৪ঃ বিশ্বকাপ ফুটবল আৰম্ভ হৈছিল ১৯৩০ চনত৷ প্ৰথমবাৰেই ফাইনেল খেলিছিল আৰ্জেণ্টিনাই৷ তাৰ পাছত আৰু বহুবছৰলৈ ফাইনেল খেলাৰ সুযোগ পোৱা নাছিল। আৰ্জেণ্টিনাৰ দলটোৱে৷ ১৯৩০ ৰ পৰা ১৯৭৮ লৈ প্ৰায় ৪৮ বছৰীয়া পৰিক্ৰমা৷ বিশ্বকাপ আৰম্ভ হোৱাৰ ৪৮ বছৰ পাছত আৰ্জেণ্টিনাই জয় কৰিলে ফিফা বিশ্বকাপ৷ ডেনিয়েল পাছাৰেল্লাৰৰ অধিনায়কত্বত সেই সপোন পূৰণত মুখ্য ভুমিকা লৈছিল মাৰিঅ’ কেম্পেছ আৰু লিউপোলদো লুকেৰাই৷ কিন্তু তেওঁলোকৰ মাজতো তেতিয়ালৈ বিশেষ খ্যাতু অৰ্জন কৰিবলৈ সক্ষম হৈছিল মাৰাডোনাই৷ মাৰাডোনাৰ দুভৰিৰ যাদু তেতিয়ালৈ দেখিছিল বিশ্ববাসীয়ে৷ কিন্তু ১৯৭৮ ৰ সেই বিশ্বকাপত খেলাৰ যোগ্য নহয় বুলিয়েই মাৰাডোনাক খেলিবলৈ দিয়া হোৱা নাছিল বিশ্বকাপ৷ বিষয়টোক লৈ বিতৰ্ক চলিল, অৱশেষত আৰ্জেণ্টিনাৰ দলটোৰ হৈ মাৰাডোনাই খেলাৰ সুযোগ পালে ১৯৮২ চনত৷
১৯৮২ ৰ পৰাই ফুটবলৰ ইতিহাসত আৰ্জেণ্টিনা দলৰ চৰ্চাতকৈ বিশ্বজুৰি চলিল মাৰাডোনাৰ চৰ্চা৷ ফুটবলৰ ইতিহাসত আৰম্ভ হ’ল মাৰাডোনা যুগ৷ ১৯৮৬ ত অনুষ্ঠিত বিশ্বকাপ জয় কৰিলে মাৰাডোনাৰ দল আৰ্জেণ্টিনাই৷ ১৯৯০ চনত আগুৱাই গৈছিল আৰ্জেণ্টিনা কিন্তু জয় কৰিব নোৱাৰিলে বিশ্বকাপ৷ ১৯৯৪ চনত ড্ৰাগছ লোৱাৰ অপৰাধত অভিযুক্ত বিবেচিত হ’ল মাৰাডোনা৷ মাৰাডোনাবিহীন আৰ্জেণ্টিনা, লাহে লাহে স্তিমিত হৈ আহিল সফলতাৰ খোজ৷ মাৰাডোনা অবিহনে আগুৱাবলৈ গৈয়ো থমকি ৰ’ল আৰ্জেণ্টিনা৷ কেতিয়াবা যদি কোৱাৰ্টাৰ ফাইনেললৈ গৈছে কেতিয়াবা প্ৰি কোৱাৰ্টাৰ ফাইনেলৰ পৰা উভতি গৈছে দেশলৈ৷ ১৯৯৮ৰ বিশ্বকাপত কোৱাৰ্টাৰ ফাইনেল আৰু ২০২২ ৰ বিশ্বকাপত লীগ খেলৰ পৰাই বিদায় লয় আৰ্জেণ্টিনাবাহিনীয়ে৷
চন ২০০৬৷ আকৌ এটা সুৰ্যোদয় আৰ্জেণ্টিনাৰ ফুটবল টীমত৷ আৰ্জেণ্টিনাৰ বিশ্বকাপ খেলিবলগা দলটোত যোগ হ’ল লিয়োনেল মেছি৷ বহুতেই ক’লে, মেছি মাৰাডোনাৰ উত্তৰসূৰী৷ মেছত নামিয়েই দিলে ধাক্কা৷ প্ৰথমবাৰেই চাৰ্বিয়াৰ বিৰুদ্ধে হোৱা খেলত প্ৰথমটো গল দি চৰ্চাত আহিল মেছি৷ কোৱাৰ্টাৰ ফাইনেলত জাৰ্মানীৰ বিৰুদ্ধে হোৱা খেলৰ পৰাই সেইবাৰ বিদায় ল’লে আৰ্জেণ্টিনাই৷ তাৰপাছতেই ২০১০ চনত হোৱা বিশ্বকাপ৷ আৰ্জেণ্টিনাই বিশ্বকাপ জয় নকৰিলেও বিশ্ববাসীৰ হৃদয় জয় কৰিলে মেছিয়ে৷ সেইবাৰ মেছিয়েই হৈছিল দলটোৰ প্ৰধান খেলুৱৈ৷ সেইবাৰো জাৰ্মানীৰ হাততেই কোৱাৰ্টাৰ ফাইনেলত ধৰাশায়ী হ’ল মেছিৰ দল৷
চন ১০২৪৷ সেইবাৰ ২৮ বছৰৰ অন্তত পুনৰ ফাইনেলত প্ৰৱেশ কৰিলে মেছিবাহিনীয়েষ ১০ নং জাৰ্চীয়েই ভৰষা৷ বিশ্ববাসীৰ দৃষ্টি নিবদ্ধ আৰ্জেণ্টিনাৰ ১০ নং জাৰ্ছীৰ বিশেষ খেলুৱৈজনত৷ সেইবাৰ ৪ টা গলেৰে উজলি উঠিল লিয়োনেল মেছি৷ সেইবাৰো শ্বাসৰূদ্ধকৰ খেল৷ অতিৰিক্ত সময়ত কিন্তু সেইবাৰো জাৰ্মানীয়েই ভাঙিলে মেছিবাহিনীৰ সপোন৷ বহুপ্ৰত্যাশিত ট্ৰফীটোৰ নিচেই কাষ পায়ো দেশলৈ লৈ যাব নোৱাৰিলে বিশ্বকাপ৷
২০১৮ চনতো ব্যৰ্থ হ’ল মেছিবাহিনী৷ শেষ ১৬ ৰ যুঁজত সেইবাৰ ফ্ৰান্সৰ হাতত পৰাস্ত হ’ল মেছিবাহিনী৷ মাত্ৰ ১৯ বছৰীয়া খেলুৱৈ কিলিয়ান এমবাপে সেইবাৰ ধৰাশায়ী কৰিছিল আৰ্জেণ্টিনাক৷ মেছিয়ে ফুটবল কেৰিয়াৰত সকলো সাফল্যই পাইছিল যদিও বাৰে বাৰে বিশ্বকাপৰ এই যুঁজত খালী হাতেই উভতিব লগা হৈছিল৷ ২০১৪ ৰ পৰা ২০১৯ লৈ এই সময় আছিল আৰ্জেণ্টিনাৰ বাবে কঠিন সময়৷ দুবাৰকৈ কোপা আমেৰিকাৰ ফাইনেলত নামিও পৰাজয়বৰণ কৰিলে আৰ্জেণ্টিনাৰ দলে৷ ২৮ বছৰৰ অন্তত ২০২১ চনত কোপা আমেৰিকাৰ কাপ জয় কৰিলে মেছিবাহিনীয়ে৷ আকৌ আৰম্ভ হ’ল মেছিবাহিনীৰ সোনালী যাত্ৰা৷ সোণালী যাত্ৰাত মেচিৰ প্ৰত্যাশা আছিল কেৱলমাত্ৰ ফিফা বিশ্বকাপ৷ সেয়া সম্পূৰ্ণ হ’ল ১৮ ডিচেম্বৰৰ নিশা৷ দেওবাৰে কাটাৰৰ লুছাইল ষ্টেডিয়ামত সম্পূৰ্ণ হ’ল মেছিৰ জীৱনৰ সকলোতকৈ ডাঙৰ স্বপ্ন৷
৩৬ বছৰৰ অন্তত বিশ্বকাপ জয় কৰিলে আৰ্জেণ্টিনাই৷ দুবছৰ পূৰ্বে ফুটবল সম্ৰাট মাৰাডোনাৰ মৃত্যু হোৱাৰ পাছত এইবাৰ দেশলৈ বিশ্বকাপ লৈ যোৱাৰ দৃশ্য তেওঁ আৰু নেদেখিলে৷ মেছিৰ হাতত বিশ্বকাপ নেদেখিলে মাৰাডোনাই৷ দেওবাৰে নিশা বিশ্বকাপ হাতত লৈ আৰ্জেণ্টিনাবাহিনীয়ে সোঁৱৰিলে ফুটবল সম্ৰাট মাৰাডোনাক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
