অসম লাইভ ২৪ঃ কোনো নাৰী সংগ তেওঁ পোৱা নাছিল। কোনো নাৰীয়েই তেওঁৰ সৈতে সম্পৰ্ক ৰাখিব নোখোজে। সকলো নাৰীয়েই বাৰে বাৰে প্ৰত্যাখান কৰে প্ৰস্তাৱ। ক্ষোভত একো নাই হৈ ব্যক্তিগৰাকীয়ে প্ৰায় ৩,০০০ মহিলাক হত্যাৰ পৰিকল্পনা কৰে। আমেৰিকাৰ ওহায়ো বিশ্ববিদ্যালয়ৰ ২২ বছৰীয়া ছাত্ৰ ট্ৰেছ গেংকোক আৰক্ষীয়ে আটক কৰাৰ পিছতেই পোহৰলৈ আহে সমগ্ৰ তথ্য।
বিশ্বৰ আগশাৰীৰ বহুকেইটা সংবাদমাধ্যমে প্ৰকাশ কৰা প্ৰতিবেদন মতে ট্ৰেছ এজন ইনছেল। ইনছেল ব্যক্তিয়ে বয়সত তৰুণ হ’লেও মহিলাক যৌনসুখ দিব পৰাকৈ তেওঁলোক অপাৰগ। নিজেও যৌন সম্ভোগৰ তৃপ্তি নাপায় যাৰ ফলত এনে ব্যক্তিয়েই বিবাহিত পতি-পত্নী বা অন্য তেনে যুঁটি দেখিলেই ক্ষোভত ফাটি পৰে।
২০২১ চনত গ্ৰেপ্তাৰ হোৱা ট্ৰেছে ২০১৯ চনৰ পৰা ২০২০ চনলৈ এটা অনলাইন গ্ৰুপ চলাইছিল। সেই গ্ৰুপটোতেই তেওঁ বন্ধুবৰ্গৰ সৈতে নাৰীক আক্ৰমণ কৰাৰ বাবে বিভিন্ন উপায়ৰ বিষয়ে আলোচনা চলাইছিল। আক্ৰমণৰ বাবেই সামৰিক প্ৰশিক্ষণো গ্ৰহণ কৰিছিল ট্ৰেছে। জৰ্জিয়াৰ এক সেনা প্ৰশিক্ষণ শিবিৰৰ কৰ্মচাৰী আছিল ট্ৰেছ। তাৰ পিছতেই উচ্চ শিক্ষাৰ বাবে ট্ৰেছ ওহিয়া বিশ্ববিদ্যালয়ত ভৰ্তি হয়।
বিশ্ববিদ্যালয়ত ভৰি দিয়াৰ পিছতেই প্ৰত্যেক দিনেই ট্ৰাছে চলাই গৈছিল গণহত্যাৰ ন ন পৰিকল্পনা। পৰিকল্পনা মতেই কামত আগবাঢ়োতেই আৰক্ষীয়ে আটক কৰে ট্ৰাছক। আৰক্ষীয়ে ট্ৰাছক গ্ৰেপ্তাৰ কৰাৰ পিছত প্ৰকাশ কৰা প্ৰতিবেদনত দিছে বহুকেইটা ভয়ংকৰ তথ্য।
আৰক্ষীয়ে জনোৱা মতে, ট্ৰাছে ইণ্টাৰনেটত একেলগে বহু মহিলাক কেনেকৈ হত্যা কৰিব পাৰি তাৰ টিপছ খুচৰিছিল। পৰিকল্পনা মতে আগবাঢ়িবলৈ প্ৰায় সকলো যোগাৰেই সাঁজু কৰিছিল ট্ৰাছে। নিজাকৈ এখন সংবিধানো বনাইছিল, য’ত লিখা আছিল তেওঁৰ সৈতে সংগম কৰিবলৈ অনিচ্ছুক প্ৰত্যেক নাৰীকেই শাস্তি হিচাপে ধৰ্ষণ কৰিব। ইয়াৰোপৰি এনেকৈ অনিচ্ছা প্ৰকাশ কৰা নাৰীক গুলীচালনা কৰি হত্যা কৰা হ’ব বুলিও তেওঁ নিজা সংবিধানত প্ৰকাশ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
