বিয়া হৈছে টেষ্ট মেচ৷ এই মেচত জিকিবলৈ হ’লে আপুনি খেলত ভাগৰিলে নহ’ব৷ যদি আপুনি এই টেষ্ট মেচত জয়ী হ’ব পাৰিছে তেন্তে জীৱনৰ শেষ দিন পৰ্যন্ত এই সম্পৰ্কও ধৰি ৰাখিব পাৰিব খাটাং৷ সকলো সুখ দুখ একেলগে ভগাই ল’ব পাৰিব আজীৱন৷
কিন্তু এনে কিছু পুৰুষ আছে যিসকলে এই বিষয়টো বুজিও যেন নুবুজে৷ যাৰবাবে এসময়ত পত্নীগৰাকীয়ে সেইগৰাকী স্বামীৰ প্ৰতি আকৰ্ষণ হেৰুৱাই৷ তেতিয়াই সম্পৰ্কলৈ আহে দূৰত্ব৷ সেই দূৰত্ব বাঢ়ি বাঢ়ি এসময়ত বিচ্ছেদ পৰ্যন্ত হ’ব পাৰে৷ এই পৰিস্থিতি ইমান জটিল হোৱাৰ পূৰ্বেই কেনেকৈ সাৱধান হ’ব? কি কি কামে সম্পৰ্কত দূৰত্ব বঢ়াই?
কথা কম হ’লেই বিপদ
স্বামী-স্ত্ৰীৰ মাজত নিয়মিত কথা হোৱাটো খুবেই জৰুৰী৷ নিজৰ সুখ দুখৰ কথা এজনে আনজনৰ সৈতে ভগাই ল’ব লাগে৷ এয়া হ’লেই সম্পৰ্কৰ বাহন মসৃণভাৱে আগুৱাই যায়৷ বহু সময়ত বেছিভাগ পুৰুষেই নিজৰ পত্নীৰ সৈতে কথা পতা কমাই দিয়ে৷ এই কম কথা কোৱাৰ অভ্যাসৰ পৰাই দূৰত্ব লাহে লাহে বাঢ়িবলৈ ধৰে৷ স্বামীৰ প্ৰতি মহিলাগৰাকীৰ আকৰ্ষণ কমিবলৈ ধৰে৷ এইদৰেই লাহে লাহে সম্পৰ্ক এটাৰ বিচ্ছেদ জৰুৰী হৈ পৰে৷
ঘনিষ্ঠতা নাই
এটা সম্পৰ্ক জীয়াই ৰাখিবলৈ হ’লে শাৰীৰিক ঘনিষ্ঠতা থকাটোও খুবেই জৰুৰী৷ সামান্য উষ্ণতাইয়ো সম্পৰ্কক নৱজীৱন দিব পাৰে৷ বহুসংখ্যক পুৰুষেই নিজৰ পত্নীৰ সৈতে শাৰীৰিক দূৰত্ব লাহে লাহে বঢ়াই আনে৷ ফলত পত্নীৰ মনত গভীৰ ক্ষত তৈয়াৰ হয়৷ তেতিয়াই অন্য পুৰুষৰ প্ৰতি আকৰ্ষিত হ’ব ধৰে মহিলাগৰাকী৷ আনকি ধীৰে ধীৰে স্বামীৰ প্ৰতি দূৰত্ব বঢ়াই অন্য পুৰুষতো মগন হৈ পৰে৷ সেয়ে সম্পৰ্কত ঘনিষ্ঠতা বৰ্তাই ৰাখক৷ অন্যথা জীৱনত বিবাহিত সম্পৰ্ক এটা ধৰি ৰখাটো খুবেই কষ্টকৰ এক বিষয় হৈ পৰিব পাৰে আপোনাৰ বাবে৷
সন্মান কৰক
স্বামী স্ত্ৰীয়ে পৰস্পৰক সন্মান কৰাটো খুবেই জৰুৰী৷ সন্মানৰ ওপৰত ভৰ দিয়েই ভালপোৱা বাঢ়ে? হাঁহিভৰা এটা জীৱন কটোৱা সম্ভৱ হৈ পৰে৷ বহু সময়ত বহু পুৰুষে নিজৰ পত্নীক সন্মান দিব নোখোজে৷ যাৰ ফলত সম্পৰ্কত তৈয়াৰ হয় শূন্যতা৷ এই শূন্যতাই আনে দূৰত্ব৷ আনকি সম্পৰ্কৰ ওপৰত ভৰসা হেৰুৱাই পেলাই মহিলাসকলে৷ এই পৰিস্থিতি অহাৰ পূৰ্বেই সাৱধান হোৱাটো খুবেই জৰুৰী৷
ভালপোৱাৰ অভাৱ
প্ৰেম ভালপোৱা এক অভ্যাস৷ এই অভ্যাসক জীয়াই ৰাখক৷ তেতিয়াই আজীৱন প্ৰেম জীয়াই থাকিব৷ বিয়াৰ পাছতেই বহু পুৰুষে মহিলাগৰাকীৰ প্ৰতি প্ৰেমভাৱ কমাই আনে৷ যাৰ ফলত ধীৰে ধীৰে প্ৰেমৰ গছ শুকাই আহে৷ তেতিয়াই পত্নীয়ে নিজৰ স্বামীৰ প্ৰতি ভালপোৱা হেৰুৱাই৷ এই পৰিস্থিতিত সম্পৰ্ক হাতৰ বাহিৰলৈ যোৱাৰ পূৰ্বেই প্ৰেম জীয়াই ৰাখিবলৈ যত্ন কৰক৷
চিটিং কৰিলেই বিপদ
বহু পুৰুষে বিয়াৰ পাছত অন্য সম্পৰ্কত সোমাই পৰে৷ আৰু তেতিয়াই বুজিব এই সম্পৰ্ক টিকি নাথাকে৷ সংসাৰত তেতিয়াই আৰম্ভ হয় অশান্তি৷ আনকি সম্পৰ্কত ডিভোৰ্ছো আহিব পাৰে৷ সেয়ে সম্পৰ্কত থাকিলে কেতিয়াও সংগীক ঢকা নিদিব৷ তেতিয়াই বিপদ বাঢ়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
