কৰে নেকি এই ৫ কাম, তাতে আৰু পৰিয়ালত হাৰ্ট এটেকৰ হিষ্ট্ৰি, তেন্তে আজিয়েই হৈ যাওক সাৱধান

কৰে নেকি এই ৫ কাম, তাতে আৰু পৰিয়ালত হাৰ্ট এটেকৰ হিষ্ট্ৰি, তেন্তে আজিয়েই হৈ যাওক সাৱধান

বৰ্তমান সময়ত বহু লোকৰে মৃত্যুৰ কাৰণ হাৰ্ট একেট বুলি শুনিবলৈ পোৱা যায়। বয়োবৃদ্ধৰ পৰা আৰম্ভ কৰি সফল ডেকা আনকি সৰু ল’ৰা ছোৱালীৰ ক্ষেত্ৰটো হাৰ্ট এটেকৰ সংখ্যা বৃদ্ধি পাইছে। সামান্য কষ্টকৰ কাম কৰিলেই হাৰ্ট একেট হৈ মৃত্যু হোৱাৰ খবৰ ভাইৰেল হৈ আছে।

পাছে কিছু এনে কাম আছে যাৰ জৰিয়তেও হাৰ্ট এটেকৰ সংখ্যা বৃদ্ধি পোৱাৰ আশংকাই দেখা দিয়ে। চিকিৎসকে কয়, যিসমূহ পৰিয়ালত পূৰ্বে হাৰ্টৰ ৰোগী আছে তেওঁলোকৰ হাৰ্ট এটেকৰ আশংকা খুবেই বেছি৷

প্ৰকৃততে হৃদৰোগ এটা জেনেটিক ৰোগ৷ এই ৰোগ DNAৰ জৰিয়তে প্ৰজন্মৰ পৰা প্ৰজন্মলৈ বাগৰে৷ আপোনাৰ পৰিয়ালতো যদি কোনো হাৰ্টৰ ৰোগী থাকে তেন্তে সেই পৰিয়ালৰ অন্যান্য সদস্যসকলেও পূৰ্বৰে পৰাই সাবধান হোৱাটো ভাল৷

পৰিয়ালত হাৰ্ট এটেকৰ ইতিহাস থাকিলে আপুনি ধুমপান কৰা এতিয়াৰে পৰাই বন্ধ কৰক৷ কাৰণ চিগাৰেটত থকা নিকোটিনে তেজ ঘন কৰে যিয়ে হাৰ্ট দুৰ্বল কৰে৷ সেয়ে সতৰ্ক হোৱা খুবেই জৰুৰী৷

শাৰীৰিক কাৰ্যকলাপ এটা সুস্থ জীৱনধাৰাৰ অংশ৷ মেদ বৃদ্ধি পালেহে বেছিভাগ মানুহে শাৰীৰিক কাৰ্যকলাপ আৰম্ভ কৰে৷ কিন্তু হাৰ্ট সক্ৰিয় কৰি ৰাখিবলৈ আৰু শৰীৰৰ অন্যান্য অংগৰ স্বাস্থ্যৰ বাবেও ব্যায়াম অতি গুৰুত্বপূৰ্ণ৷ হাৰ্ট এটেকৰ পাৰিবাৰিক হিষ্ট্ৰি থাকিলে শাৰীৰিক ক্ৰিয়াক অৱহেলা নকৰিব৷

যিসকলে এলক’হল পান কৰে তেওঁলোকৰ মাজত কৰ্কটৰ আশংকাও বাঢ়ি যায়৷ ইয়াৰোপৰি ই হাৰ্টৰো যথেষ্ট ক্ষতি কৰে৷ হৃদস্পন্দনৰ তীব্ৰতা ইয়াৰ ইংগিত৷ সেয়ে সতৰ্ক হোৱাটো জৰুৰী৷

চৰ্বি শৰীৰৰ বাবে অপৰিহাৰ্য৷ কিন্তু অতিৰিক্ত পৰিমাণে অস্বাস্থ্যকৰ চৰ্বি, যি জাংক ফুড আৰু ভজা খাদ্যৰ পৰা আহে, সি হাৰ্টৰ সমস্যা সৃষ্টি কৰিব পাৰে৷ চৰ্বিত কলষ্টেৰল বৃ্দ্ধি হ’লে হৃদৰোগৰ আশংকাও বাঢ়ি যায়৷ কলষ্টেৰলৰ মাত্ৰা বাঢ়িলে শৰীৰৰ ওজন বাঢ়ি যায় আৰু হাৰ্ট এটেকৰ সম্ভাৱনাও বৃদ্ধি পায়।

মানসিক চাপৰ প্ৰভাৱ কেৱল মস্তিষ্কতেই সীমাবদ্ধ নাথাকে, ই হৃদপিণ্ডকো দুৰ্বল কৰে৷ এনে পৰিস্থিতিত মানসিক চাপ কমোৱা আৰু সঠিকভাৱে নিজকে পৰিচালন কৰাটো জৰুৰী৷

যিসকলৰ ডায়বেটিছ থাকে তেওঁলোকৰ হৃদৰোগত আক্ৰান্ত হোৱাৰ সম্ভাৱনাও স্বাভাৱিক মানুহৰ তুলনাত দুইৰ পৰা তিনিগুণ বেছি৷ ডায়বেটিছৰ পাছতেই উচ্চ ৰক্তচাপ হাৰ্ট এটেকক সকলোতকৈ ডাঙৰ কাৰণ৷

সেয়ে হাৰ্ট একেটৰ পৰা ৰক্ষা পাবৰ বাবে আজিয়েই আৰম্ভ কৰক এই কেইটা কাম। লগতে নিজৰ পৰা আঁতৰাই ৰাখক অখাদ্য।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ