পেট্ৰ’লৰ পাছত এইবাৰ ঔষধ, ৫০ শতাংশ পৰ্যন্ত বৃদ্ধি পাব ১১ বিধ অত্যাৱশ্যকীয় ঔষধৰ দাম
পেট্ৰ’লৰ মূল্য বৃদ্ধিৰ পাছত এইবাৰ ঔষধৰ মূল্যবৃদ্ধি। জনসাধাৰণক পুণৰ মাধমাৰ সোধাই এইবাৰ ৫০ শতাংশ পৰ্যন্ত বৃদ্ধি পালে ঔষধৰ দাম। এবিদ দুবিধ নহয়, মুঠ ১১ বিধ অত্যাবশ্যকীয় ঔষধৰ দাম বৃদ্ধি।
কেন্দ্ৰৰ মূল্য নিয়ন্ত্ৰক নেশ্যনেল ফাৰ্মাচিউটিকেল প্ৰাইচিং অথৰিটিয়ে কেইবাটাও অত্যাৱশ্যকীয় ঔষধৰ মূল্য বৃদ্ধি কৰিছে। কেন্দ্ৰীয় সংস্থাটোৱে ঔষধ নিৰ্মাতাসকলক ৫০ শতাংশ পৰ্যন্ত মূল্য বৃদ্ধিৰ বাবে নিৰ্দেশ দিছে।
কিছুমান বিশেষ ঔষধৰ সম্ভাৱ্য মূল্যবৃদ্ধিৰ তালিকাও প্ৰকাশ কৰা হৈছে। অধিসূচনা অনুসৰি অনাগত দিনত মানসিক বিকাৰ, হাঁপানী, টিবি, গ্ল’ক’মা, থেলাছেমিয়াৰ ঔষধৰ দাম বৃদ্ধি পাব।
ৰাষ্ট্ৰীয় ঔষধ মূল্য নিৰ্ধাৰণ কৰ্তৃপক্ষই উল্লেখ কৰা অনুসৰি ঔষধৰ দাম বৃদ্ধি হোৱাৰ কাৰণ মূলতে, ঔষধ প্ৰস্তুতৰ কেঁচামালৰ মূল্য বহু পৰিমাণে বৃদ্ধি পাইছে। লগতে বিভিন্ন আনুষংগিক সামগ্ৰীৰ দাম বৃদ্ধি পাইছে। যাৰ বাবে ঔষধৰ মূল্যও বৃদ্ধি কৰিবলৈ বাধ্য হৈছে। যাৰ পৰিপ্ৰেক্ষিতত ৫০ শতাংশ পৰ্যন্ত বৃদ্ধি পাইছে ঔষধৰ মূল্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
