অতিকে শোকাৱহ, তীৰ্থযাত্ৰালৈ বুলি ওলোৱা একেটা পৰিয়ালৰে ৭গৰাকী নিহত ২৫ আহত, মৃত্যুৰ সংখ্যা বৃদ্ধি পোৱাৰ আশংকা
পুৱাই আহিছে এক এতিকে শোকাৱহ দুৰ্ঘটনাৰ খবৰ। মাজনিশা সংঘটিত হোৱা দুৰ্ঘটনাতটোত একেলগে প্ৰাণ হেৰুৱালে ৭ গৰাকী লোকে। ইয়াৰ উপৰিও অন্য ২৫ গৰাকী লোক আহত হয়। আম্বালা-দিল্লী-জম্মু ৰাষ্ট্ৰীয় ঘাইপথত বৈষ্ণো দেৱীলৈ বুলি তীৰ্থযাত্ৰা কৰা বাছ দুৰ্ঘটনাত পতিত।
এই দুৰ্ঘটনাত একেটা পৰিয়ালৰ সাতজন সদস্যৰ মৃত্যু হয়, আৰু ২৫ জনতকৈ অধিক লোক আহত হয়।
ঘটনা সন্দৰ্ভত জানিব পৰা অনুসৰি এই দুৰ্ঘটনাটো সংঘটিত হৈছে হাৰিয়ানাৰ অম্বালাত। পুৱতি নিশা এখন যাত্ৰীবাহী ট্ৰেভেলাৰ বাছ দুৰ্ঘটনাত পতিত। তীব্ৰ বেগে থকা বাছখনে এখন ট্ৰাকত প্ৰচণ্ড জোৰে খুন্দা মৰাৰ ফলতে এই ভয়ংকৰ দুৰ্ঘটনাটো হয়।
যাৰ ফলতে ট্ৰেভেলাৰখন সম্পূৰ্ণৰূপে থেতেলাখাই পৰে, লগতে বাছখনত থকা কেইবাগৰাকী লোকৰ মৃত্যু হোৱাৰ লগতে আহত হয় ২৫ গৰাকী লোক। আহত সকলৰো কেইবাগৰাকীৰো অৱস্থা সংকটজনক বুলি জানিব পৰা গৈছে। আহত সকলক ততাতৈয়াকৈ নিশাই স্থানীয় লোকৰ সহযোগত অম্বালা আৰক্ষীয়ে নিকট হাস্পতালত ভৰ্তি কৰায়।
চিকিৎসকে জানিব দিয়া মতে আহত সকলৰ দুজনমানৰ অৱস্থা সংকটজনক। যাৰ বাবে এতিয়া মৃতকৰ সংখ্যা আৰু বৃদ্ধি পোৱাৰ আশংকাই দেখা দিছে। পাছে বৰ্তমানলৈ মৃত্যু হোৱা লোকসকলৰ কোনো এজনৰে পৰিচয় উদ্ধাৰ হোৱা নাই।
ঘটনাৰ খবৰ লাভ কৰাৰ লগে লগে ঘটনাস্থলীত উপস্থিত হোৱা আৰক্ষীয়ে তদন্ত অব্যাহত ৰাখিছে লোক কেইগৰাকীৰ পৰিচয় উদ্ধাৰৰ বাবে। দুৰ্ঘটনাটোৰ পৰা ৰক্ষা পোৱা এজন ব্যক্তিয়ে জনোৱা মতে, দুৰ্ঘটনা সংঘটিত হোৱাৰ পাছত চালকজনে মদ্যপান কৰি পলায়ন কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
