চৰকাৰী কৰ্মচাৰী, পেঞ্চনাৰসকলৰ বাবে সুখবৰ, বৃদ্ধি পাব পাৰে ৩০-৩৪% দৰমহা
চৰকাৰী কৰ্মচাৰী তথা পেঞ্চনাৰ সকলৰ বাবে সুখবৰ। বৃদ্ধি পাব পাৰে ৩০ৰ পৰা ৩৪ শতাংশ পৰ্যন্ত দৰমহা। কাৰণ শীঘ্ৰে অষ্টম দৰমহা আয়োগ গঠন হোৱাৰ সম্ভাৱনা। ৰাষ্ট্ৰীয় সংবাদ মাধ্যমত প্ৰকাশিত খবৰ অনুসৰি, ১ জানুৱাৰী ২০২৬ৰ পৰা অষ্টম বেতন আয়োগ কাৰ্যকৰী হ’ব।
অষ্টম দৰমহা আয়োগৰ অধীনত থকা বিধানসমূহ বিত্তীয় বৰ্ষ ২৭ৰ ভিতৰত কাৰ্যকৰী হোৱাৰ সম্ভাৱনা আছে, যাৰ ফলত চৰকাৰী বিষয়াসকলৰ দৰমহা আৰু পেঞ্চন যথেষ্ট বৃদ্ধি পাব।
এম্বিট ইনষ্টিটিউশ্যনেল ইকুইটিজৰ এক প্ৰতিবেদন অনুসৰি অষ্টম পে কমিছনৰ পৰামৰ্শ অনুসৰি চৰকাৰী কৰ্মচাৰী আৰু পেঞ্চনাৰসকলৰ দৰমহা ৩০-৩৪ শতাংশ বৃদ্ধি হোৱাৰ সম্ভাৱনা আছে।
প্ৰতিবেদনত কোৱা হৈছে যে, “অষ্টম দৰমহা আয়োগে খৰচ বৃদ্ধিৰ বাবে ~১১ মিলিয়ন হিতাধিকাৰীক সামৰি ল’বলৈ দৰমহা আৰু পেঞ্চনৰ বাবে ৩০-৩৪ শতাংশ বৃদ্ধি (মুঠ ব্যয়ৰ ~১৫.৫ শতাংশ) ঘোষণা কৰিব।”
কেন্দ্ৰই বিত্তীয় বৰ্ষত ১ ট্ৰিলিয়ন ₹ কৰ কৰ্তনৰ পূৰ্বে লোৱা সিদ্ধান্তৰ সৈতে সংগতি ৰাখি এই পদক্ষেপ লোৱা হ’ব বুলিও কোৱা হৈছে।
৮ম পে আয়োগৰ দৰমহা বৃদ্ধিৰ বাবে অৱশ্যে এই হাৰত কাৰ্যকৰী হ’লে কেন্দ্ৰৰ প্ৰায় ১.৮ ট্ৰিলিয়ন ₹ অতিৰিক্ত খৰচ হ’ব বুলি প্ৰতিবেদনত উল্লেখ কৰা হৈছে।
অষ্টম দৰমহা আয়োগৰ পৰামৰ্শই বিভিন্ন মন্ত্ৰালয় আৰু বিভাগৰ প্ৰায় ৪৪ লাখ কেন্দ্ৰীয় চৰকাৰী কৰ্মচাৰীৰ লগতে ৬৮ লাখ পেঞ্চনাৰক প্ৰত্যক্ষভাৱে উপকৃত কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
