অসম লাইভ ২৪ঃ ক’ৰোনাৰ সংক্ৰমণ দেশত আৰম্ভ হোৱাৰ পাছৰে পৰা বজাৰত মাস্ক, ছেনিটাইজাৰক লৈ ব্যাপক টনা-আজোৰা চলিছে। হঠাৎ ক’ৰোনাৰ সংক্ৰমণ বৃদ্ধি পোৱাৰ পাছতে মাস্ক আৰু ছেনিটাইজাৰৰ নাটনিয়ে চকু কঁপালত তুলিছিল সকলোৰে। যদিও পাছত মাস্ক-ছেনিটাইজাৰৰ ক্ষেত্ৰত স্বাস্থ্যমন্ত্ৰণালয়ে সমগ্ৰ দেশৰ বাবে প্ৰযোজ্য হোৱাকৈ এটা মূল্য নির্ধাৰণ কৰি দিছিল, বর্তমানেও কিন্তু দেশত মাস্ক-ছেনিটাইজাৰৰ যি মূল্য, সেই মূল্য সাধাৰণ লোকৰ বাবে যথেষ্ট বেছি। যাৰ প্ৰতি লক্ষ্য ৰাখি এখন ৰাজ্যই মাস্ক-ছেনিটাইজাৰৰ ক্ষেত্ৰত ১৯৮৬ চনৰ এখন এক্টৰ মতে অতি কম মূল্য নির্ধাৰণ কৰি দিছে আৰু এই কথা ৰাজ্যবাসীক টুইটযোগে জনাইছে মুখ্যমন্ত্ৰী পিনাৰায়ী বিজয়নে। মুখ্যমন্ত্ৰী বিজয়ন নেতৃত্বাধীন চৰকাৰখনে মাস্ক-ছেনিটাইজাৰৰ লগতে আন আন অত্যাৱশ্যকীয় সামগ্ৰীৰ সমমূল্য সমগ্ৰ ৰাজ্যখনতে প্ৰযোজ্য হোৱাকৈ নির্ধাৰণ কৰি দিছে। ৰাজ্য চৰকাৰখনে KERALA ESSENTIAL ARTICLES CONTROL ACT, 1986ৰ এক ধাৰাৰ অধীনত এই ব্যৱস্থা গ্ৰহণ কৰিছে। আইনখনৰ মতে এতিয়া ৰাজ্যখনত PPE KIT আৰু মাস্কৰ দৰে ক’ৰোনাৰ বিৰুদ্ধে যুঁজিব পৰা অত্যাৱশ্যকীয় সামগ্ৰীসমূহ ফিক্সড দামত ক্ৰয় কৰিব পাৰিব। এতিয়াৰে পৰা কেৰালাত এই সামগ্ৰীসমূহৰ মূল্য হ’ব-
PPE KIT – ২৭৩ টকা
N95 MASK- ২২ টকা
৩ তৰপীয়া মাস্ক – ৩.৯০ টকা
FACE SHIELD – ২১ টকা
DISPOSAL APRON – ১২ টকা
SURGICAL GOWN – ৬৫ টকা
INSPECTION GLOVES – ৫.৭৫ টকা
HAND SANITIZER 500ml – ১৯২ টকা
HAND SANITIZER 100ml – ৫৫ টকা
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
