অসম লাইভ ২৪ঃ মাস্কেৰে তৈয়াৰী এটি বিশেষ গাউন। গাউনটোত ব্যৱহাৰ কৰা হৈছে মুঠ ১ হাজাৰ ৫০০ খন মাস্ক। লণ্ডনৰ বিখ্যাত ফেশ্বন ডিজাইনাৰ টম চিলভাৰউডে তৈয়াৰ কৰিছে গাউনটো। ছ’চিয়েল মিডিয়াত এতিয়া চৰ্চা এই গাউনটোক লৈ। এইটো এটা বিয়াৰ গাউন। সম্প্ৰতি লণ্ডনৰ বিবাহ অনুষ্ঠানত কোভিড নিষেধাজ্ঞা প্ৰত্যাহাৰ কৰা হৈছে। আৰম্ভ হৈছে বিয়াৰ বতৰ। নিষেধাজ্ঞা প্ৰত্যাহাৰৰ প্ৰথম দিনাই অনুষ্ঠিত এক বিবাহ অনুষ্ঠানত কইনাই এই গাউনটি পৰিধান কৰে। প্ৰাপ্ত তথ্য অনুসৰি, ব্ৰিটেইনত প্ৰতিদিনে ১০ কোটিৰ অধিক মাস্ক ব্যৱহাৰৰ অনুপযোগী হৈছে। সেইসমূহৰ পৰা এনেদৰেই তৈয়াৰ কৰি উলিয়াইছে বিয়াৰ গাউন। পোছাক তৈয়াৰৰ সমান্তৰালকৈ এই কাৰ্যই পেলনীয়া মাস্কসমূহৰ পৰা হ’ব পৰা প্ৰদূষণো নিয়ন্ত্ৰণ কৰিব পৰা যাব। এনেদৰে তৈয়াৰ কৰা পোছাকৰ বাবে সুখী ডিজাইনাৰ টম চিলভাৰউড আৰু কইনাগৰাকী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
