অসম লাইভ ২৪ঃ শূন্য দৰ্শকৰ উপস্থিতিৰে টকিঅ’ত আজিৰে পৰা আৰম্ভ হ’ব তাৰকাৰ মহাৰণ। বিভিন্ন অনিশ্চিয়তাৰ মাজতে আজি বিয়লি ভাৰতীয় মান সময় ৪.৩০ বজাত শুভ উদ্বোধন হ’ব অলিম্পিক। সীমিত সংখ্যক লোকৰ উপস্থিতিৰে আয়োজন কৰা হৈছে এই উদ্বোধনী অনুষ্ঠান। অনুষ্ঠানত উপস্থিত থাকিব খেলুৱৈ তাৰকাসকলৰ লগতে ভাৰতৰ ৬ গৰাকী কৰ্মকৰ্তা। উদ্বোধনী অনুষ্ঠানত ভাৰতৰ হৈ পতাকা বহন কৰিব এম চি মেৰীকম আৰু মনপ্ৰিত সিঙে। ২০৫ খন দেশৰ ভিতৰত ২১ সংখ্যক স্থানত ভাৰতে অংশ ল’ব উদ্বোধনী অনুষ্ঠানৰ পেৰেডত। অংশ ল’ব অসম কন্যা লাভলীনা বৰগোহাঁয়ে। টকিঅ’ অলিম্পিকত ভাৰতক প্ৰতিনিধিত্ব কৰিব বিভিন্ন শাখাৰ ১২৭ গৰাকী খেলুৱৈয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
