অসম লাইভ ২৪ঃ সম্প্ৰতি লাভলীনা আৰু হকী টীমৰ ওপৰত দৃষ্টি নিবদ্ধ সমগ্ৰ দেশবাসীৰ। অলিম্পিকৰ ৰণক্ষেত্ৰত ভাৰতৰ নিৰাশাজনক স্থিতিৰ মাজতে পঞ্চম দিনা কিছু আশাপ্ৰদ খবৰ। ৰিঙত অনবদ্য প্ৰদৰ্শনেৰে সম্ভাৱনাৰ দুৱাৰ মুকলি কৰে অসম কন্যা লাভলীনাই। দেশবাসীৰ বাবে আশাৰ বতৰা কঢ়িয়াই আনিলে বক্সাৰ লাভলীনা বৰগোহাঁই আৰু ভাৰতীয় পুৰুষ হকী টীমে। বক্সিঙৰ কোৱাৰ্টাৰ ফাইনেলত প্ৰৱেশ কৰে লাভলীনা বৰগোহাঁইয়ে। জাৰ্মানীৰ নাদিন আপটেজক ৩-২ ব্যৱধানত পৰাস্ত কৰি মেডেলৰ দিশে আৰু এখোজ আগুৱালে লাভলীনাই। ইয়াৰ লগে লগে ৰাজ্যবাসীৰ মাজত এতিয়া আনন্দৰ বন্যা। ইফালে ভাৰতীয় পুৰুষ হকী টীমে অব্যাহত ৰাখিছে জয়যাত্ৰা। পুল-a টুৰ্ণামেণ্টত স্পেইনৰ বিৰুদ্ধে অৱতীৰ্ণ হৈ ৩-০ ব্যৱধানত জয়লাভ কৰে ভাৰতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
