অসম লাইভ ২৪ঃ আজি গণেশ চতুৰ্থী৷ পুৱাৰে পৰা মন্দিৰসমূহত ভিৰ ভক্তপ্ৰাণ ৰাইজৰ৷ গণেশৰ মন্ত্ৰোচ্ছাৰণেৰে মুখৰ ৰাজ্যৰ ভিন্ন প্ৰান্তৰ গনেশ মন্দিৰসমূহ৷ সমগ্ৰ ৰাজ্যত উলহ-মালহেৰে উদযাপন কৰা হৈছে পবিত্ৰ গণেশ চতুৰ্থী৷ উপাস্য দেৱতাক সন্তুষ্ট কৰাৰ অৰ্থে সেৱা লৈছে ভক্তসকলে৷ ৰাজ্যৰ ভিন্ন প্ৰান্তৰ লগতে গনেশগুৰিৰ গনেশ মন্দিৰত ভক্তৰ লানি নিছিগা ভিৰ৷ কোভিড বিধি মানি সকলোৱে আশিষ ল’লে ভগৱান গণেশৰ৷ অসুয়া-অশান্তি আঁতৰাই পৃথিৱীলৈ শান্তিৰ ঢল বুৱাই অনাৰ প্ৰাৰ্থনাৰে পুৱাই ধূপ-দ্বীপ-নৈবেদ্যৰে ভগৱান গণেশৰ শৰনাপন্ন হয় প্ৰতিগৰাকী ভক্ত৷ সিদ্ধিবিনায়ক গনেশৰ জন্মোৎসৱ হিচাপে পালন কৰা হয় আজিৰ দিনটো৷ ইফালে আজিৰে পৰা আৰম্ভ হ’ল শাৰদীয় বতৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
