এল’ন মাস্ক৷ বিশ্বৰ বৰ্তমানৰ আটাইতকৈ ধনী ব্যক্তি৷ এগৰাকী ২৭ বছৰীয়া অভিনেত্ৰীৰ সৈতে ৫০ বছৰীয়া এই এল’ন মাস্কে নতুনকৈ প্ৰেমৰ সম্পৰ্ক গঢ়িছে৷
প্ৰকাশিত বাতৰি অনুসৰি মাস্কে আষ্ট্ৰেলিয়াৰ ২৭ বৰ্ষীয় অভিনেত্ৰী নাতাশা বেছেটৰ সৈতে প্ৰেমৰ সম্পৰ্কত গঢ়ি তুলিছে৷
সংবাদ পত্ৰ ডেইলী মিলৰ মতে অভিনেত্ৰী নাতাশাই এলান মাস্কৰ সৈতে প্ৰেমৰ সম্পৰ্কত থকা বুলি দাবী কৰিছে৷
‘’৫০ বছৰীয়া তেওঁ মোৰ প্ৰেমত আৱদ্ধ৷ কিন্তু মই তেওঁৰ বেংক বেলেঞ্চৰ প্ৰেমত পৰা নাই৷’’ অভিনেত্ৰীগৰাকীয়ে ডেইলী মিলক কয়৷
উল্লেখ্য যে এলান মাস্কৰ বৰ্তমান সম্পত্তিৰ পৰিমাণে ২৩৩ বিলিয়ন মাৰ্কিন ড’লাৰ অতিক্ৰম কৰিছে৷
এল’ন মাস্কক অভিনেত্ৰী নাতাশাৰ সৈতে ল’ছ এঞ্জেলছত একেলগে দেখা গৈছিল৷ তেওঁলোকৰ এক ঘণিষ্ঠ সূত্ৰই প্ৰকাশ কৰিছে যে বিগত কিছু দিনৰ পৰা দুয়ো সঘনাই মিলিত হৈছে৷ প্ৰথমে দুয়োৱে বন্ধুত্ব গঢ়ি এতিয়া প্ৰেমত আৱদ্ধ হৈ আছে৷
স্মৰ্তব্য যে যোৱা বছৰৰ ছেপ্টেম্বৰ মাহত গায়িকা গ্ৰীম্ছে সৈতে সম্পৰ্ক শেষ কৰিছিল এলান মাস্কে৷ গ্ৰীম্ছ-এ সামাজিক মাধ্যম যোগে সম্পৰ্ক শেষ কৰাৰ কথা নিজেই ঘোষণা কৰিছিল৷
মাস্ক আৰু গ্ৰীম্ছে এটা এবছৰীয়া পুত্ৰ সন্তানো আছে৷ ইফালে এলান মাস্কৰ আৰু প্ৰথমা পত্নী আস্তিন মাস্কৰ পাঁচটা সন্তান আছে৷ ইমানেই নহয় ব্ৰিটিছ অভিনেত্ৰী তলুলাহ ৰিলেৰ সৈতেও এলানে বিবাহপাশত আৱদ্ধ হৈছিল৷
গ্ৰীম্ছেৰ সৈতে প্ৰেমৰ সম্পৰ্কত থকাৰ পূৰ্বেও এল’ন মাস্কে অন্য কে’বাগৰাকী সুন্দৰীৰ সৈতে প্ৰেমাৱদ্ধ হৈ আছিল৷ সদাগৰ এল’ন মাস্কে ইগৰাকীৰ পিছত সিগৰাকীকৈ সুন্দৰী নাৰীক জীৱনৰ পৰা বিদায় দি পুনৰ আদৰি লয় অন্য এগৰাকী সুন্দৰী নাৰীক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
