ৰাছিয়াই উউক্ৰেইনত যুদ্ধৰে নহয়, পৰিকল্পিতভাৱে শীতল মগজুৰে ইউক্ৰেইনত গণহত্যা চলাইছে৷ এই গুৰুতৰ অভিযোগ উত্থাপন কৰিছে ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিৰ পত্নী ওলেনা জেলেনস্কাই৷
ইউক্ৰেইনৰ ৰাষ্ট্ৰপতিগৰাকীৰ পত্নীয়ে ৰাছিয়াৰ ১৪ দিনীয়া ইউক্ৰেইন আক্ৰমণৰ বিষয়ে আৰু বহু গুৰুতৰ তথা বিস্ফোৰক অভিযোগ উত্থাপন কৰিছে৷
এক পত্ৰ লিখি ওলেনা জেলেনস্কাই কয় যে ৰাছিয়াই ইউক্ৰেইনত শ শ শিশুকো হত্যা কৰিছে৷ সংবাদ মাধ্যমলৈ প্ৰেৰণ কৰা মুকলি চিঠিখনত লগতে আৰু কিমান দিন এই গণহত্যা চলি থাকিব বুলিও পুটিনক প্ৰশ্ন কৰিছে৷
লগতে পঢ়ক অমিতাভ বচ্চনৰ ঘৰত ৪ কোটি টকীয়া পেইণ্টিং : এই টকাৰে আপুনি কি কি ক্ৰয় কৰিব পাৰিব?
বিশ্বৰ শক্তিশালী দেশসমূহকো লক্ষ্য কৰি জেলেনস্কাই প্ৰশ্ন কৰে, ‘‘আপোনালোকে ৰাছিয়াৰ আক্ৰমণ শেষ বন্ধ কৰিবলৈ শক্তি প্ৰয়োগ কৰিব নোৱাৰে নেকি? আপোনালোকে ইউক্ৰেইনৰ আকাশী সীমা অৱৰোধ কৰি দিব নোৱাৰে নেকি?’’
‘‘ক্ৰেমলিনে হয়তো বিশ্বক বুজাই দিছে যে তেওঁলোকে ইউক্ৰেইনত যি কৰি আছে, সেয়া প্ৰকৃততে কৌশলগত সামৰিক অভিযান৷ আচলতে সেয়া নহয়, ৰাছিয়াই ইউক্ৰেইনত গণহত্যা চলোৱাৰ বাহিৰে একো কৰা নাই৷’’ জেলেনস্কাই দাবী কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
