ৰাছিয়াৰ ইউক্ৰেইন আক্ৰমণে আজি এটা পষেকত ভৰি দিছে৷ পোন্ধৰটা দিনত ৰাছিয়াই নিৰন্তৰ আক্ৰমণ কৰি ইউক্ৰেইনৰ কে’বাখনো প্ৰধান চহৰ দখল কৰিছে৷ অৱশ্যে ৰাজধানী কীয়েভত ৰাছিয়াই আক্ৰমণ অব্যাহত ৰাখিলেও এতিয়ালৈকে দখল কৰিবলৈ সক্ষম হোৱা নাই৷
এনে অৱস্থাত ইউক্ৰেইনে দাবী কৰিছে যে দেশখনৰ সেনাই ৰাছিয়ান সেনাই অধিকাৰ কাৰ দুখন গুৰুত্বপূৰ্ণ চহৰ পুনৰোদ্ধাৰ কৰিছে৷ ইউক্ৰেইনৰ সেনাই খাৰকিভ আৰু ডেৰহাচি চহৰ দুখন ৰাছিয়াৰ সেনাৰ পৰা যুদ্ধ কৰি পুনৰ উদ্ধাৰ কৰা বুলি দাবী কৰিছে ইউক্ৰেইনৰ প্ৰশাসনে৷
লগতে পঢ়ক ইউক্ৰেইনৰ ৰাষ্ট্ৰপতিৰ পত্নী জেলেনস্কাৰ বিশ্ববাসীলৈ পত্ৰ; কি ক’লে পত্ৰত?
খাৰকিভৰ আঞ্চলিক প্ৰশাসনিক মুৰব্বী ওলে চিনহুবুবে সামাজিক মাধ্যমত এই দাবী কৰি লিখিছে যে ইউক্ৰেইনৰ সেনাই ডেৰহাচী আৰু খাৰকিভক পুনৰ দখল কৰিছে৷ তেওঁ দাবী কৰা মতে ইউক্ৰেইন সেনাৰ তীব্ৰ প্ৰত্যাক্ৰমণত ৰাছিয়ান সেনাই পিছুৱাই যাবলৈ বাধ্য হৈছে৷
‘‘ইউক্ৰেইনৰ সেনাই ডেৰহাচি আৰু খাৰকিভ পুনৰ দখল কৰিছে৷ খাৰকিভ আৰু ডেৰহাচি চহৰ দুখন ৰাছিয়ান সেনাই সম্পূৰ্ণৰূপে আগুৰি আছিল৷ তেওঁলোকে গোলাবৰ্ষণ কৰি আছিল৷ কিন্তু ইউক্ৰেইন সেনাৰ প্ৰত্যাক্ৰমণত ৰাছিয়ান সেনাই পিছুৱাই যাবলৈ বাধ্য হৈছে৷’’ প্ৰশাসনিক মুৰব্বীগৰাকীয়ে কয়৷
লগতে পঢ়ক কাইলৈ নিৰ্বাচনৰ ফলাফল : জ্যোতিষীৰ ভৱিষ্যদ্বাণী, উত্তৰ প্ৰদেশত আকৌ যোগীৰাজ নিশ্চিত!
ইউক্ৰেইনৰ সামৰিক সূত্ৰই দাবী কৰিছে যে এই দুখন গুৰুত্বপূৰ্ণ চহৰ পুনৰ দখলৰ সময়ত হোৱা সংঘৰ্ষত ৰাছিয়াৰ কে’বাখনো টেংক আৰু যুদ্ধাস্ত্ৰ সজ্জিত বাহন ক্ষতিগ্ৰস্ত হৈছে।
ইফালে যোৱা মঙলবাৰে খাৰকিভত প্ৰায় ৫০ টা গুলীবৰ্ষণ কৰা হৈছিল। জনবসতি অঞ্চলত সংঘটিত বোমা বিস্ফোৰণত এজন সাত বছৰীয়া শিশুসহ দুজন লোক নিহত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ