যুৱপ্ৰজন্মৰ মাজত এক অদ্ভুত আসক্তিয়ে গা কৰি উঠিছে৷ যুৱপ্ৰজন্মৰ একাংশৰ মাজত অন্যান্য নিচা জাতীয় দ্ৰৱ্য সেৱনৰ পৰিৱৰ্তে বৃদ্ধি পাইছে কণ্ডমৰ আসক্তি৷ অৰ্থাৎ তেওঁলোকে নিচাজাতীয় দ্ৰৱ্যৰ পৰিৱৰ্তে কণ্ডম ব্যৱহাৰ কৰি নিচাগ্ৰস্ত হৈ থাকে৷
এই অদ্ভূত আসক্তিয়ে পশ্চিমবংগৰ দুৰ্গাপুৰ চহৰৰ একাংশ যুৱক-যুৱতীৰ মাজত ছানি ধৰিছে। সংবাদ মাধ্যমত প্ৰকাশিত বাতৰি অনুসৰি যদিও অসুৰক্ষিত যৌন সম্পৰ্কৰ পৰা ৰক্ষা পাবলৈ কণ্ডম ব্যৱহাৰ কৰা হয়, কিন্তু তাৰ যুৱক-যুৱতীসকলে ইয়াক ড্ৰাগছৰ দৰে ব্যৱহাৰ কৰি আহিছে।
যোৱা কেইদিনমানৰ পৰা মহানগৰখনত কণ্ডম বিক্ৰীৰ হাৰ ব্যাপকভাৱে বৃদ্ধি পাইছে। বহু দোকানত আহি পোৱাৰ কেইঘণ্টামান পিছত ষ্টক শেষ হৈ যোৱা হৈছে। ড্ৰাগছৰ দৰেই নিচাগ্ৰস্ত হৈ থাকিবলৈ কণ্ডম ব্যৱহাৰ কৰা বাবে চহৰখনত কণ্ডম বিক্ৰী অভাৱনীয়ভাৱে বৃদ্ধি পোৱা বুলি কোৱা হৈছে৷
লগতে পঢ়ক আটাইতকৈ ভয়ংকৰ কাৰাগাৰ! বন্দীৰ আত্মা কঁপি উঠা কাৰাগাৰখন আছে ক’ত?
এই তথ্য প্ৰকাশ পোৱাৰ পিছতে মহানগৰীখনৰ বাসিন্দাসকল স্তম্ভিত হৈ পৰিছে। যুৱক-যুৱতীসকলৰ মাজত বৃদ্ধি পোৱা এই নতুন আসক্তিয়ে প্ৰশাসনৰো চিন্তা বৃদ্ধি কৰিছে।
যোৱা কেইদিনমানৰ পৰা দুৰ্গাপুৰৰ বিভিন্ন অঞ্চল যেনে— দুৰ্গাপুৰ চিটি চেণ্টাৰ, বিধাননগৰ, বেনাচীতি আৰু মুচিপাৰা, চি জ’ন, এ জ’নত ফ্লেভাৰযুক্ত কণ্ডমৰ বিক্ৰীৰ হাৰ ব্যাপকভাৱে বৃদ্ধি পাইছে।
হঠাতে হোৱা এই বৃদ্ধিত আচৰিত হৈ এজন স্থানীয় দোকানীয়ে বাৰে বাৰে কণ্ডম ক্ৰয় কৰা এজন যুৱকক ব্যাপক হাৰত কণ্ডম ক্ৰয়ৰ বিষয়ে সুধোতেহে এই কাণ্ডটো ফাদিল হয়। দুৰ্গাপুৰৰ এগৰাকী মেডিকেল ষ্ট’ৰ পৰিচালকে জনোৱা মতে পূৰ্বে দৈনিক মাত্ৰ ৩ৰ পৰা ৪টা পেকেটহে কণ্ডম বিক্ৰী হৈছিল, কিন্তু এতিয়া ফুল পেক বিক্ৰী কৰা হৈছে।
লগতে পঢ়ক কলেজীয়া শিক্ষাৰ্থীৰ চুম্বনৰ ভিডিঅ’ ভাইৰেল, এজন শিক্ষাৰ্থীক আটক আৰক্ষীৰ
যুৱপ্ৰজন্মই নিচাৰ বাবে মদ্যপানৰ পৰিৱৰ্তে কেনেদৰে কণ্ডম ব্যৱহাৰ কৰিছে সেই সন্দৰ্ভত তথ্য প্ৰদান কৰি দুৰ্গাপুৰৰ মণ্ডল হাস্পতালত কৰ্মৰত ধীমান মণ্ডলে কয় যে কণ্ডমত কিছুমান সুগন্ধি যৌগ থাকে। আৰু ইয়াক গোন্ধ ল’লে নিচাযুক্ত দ্ৰব্য সেৱন কৰাৰ দৰেই অনুভৱ হয়। তেওঁৰ মতে এই সুগন্ধি যৌগটো ডেণ্ড্ৰাইট আঠাতো পোৱা যায়। বহুতে মদ্যপানৰ বাবেও ডেণ্ড্ৰাইট ব্যৱহাৰ কৰে।
আনহাতে, দুৰ্গাপুৰ আৰ ই কলেজ মডেল স্কুলৰ ৰসায়ন বিজ্ঞানৰ শিক্ষক নুৰুল হকে কয় যে কণ্ডম গৰম পানীত দীৰ্ঘ সময় তিয়াই ৰাখিলে বৃহৎ জৈৱিক অণুবোৰ ভাঙি এলকহল যৌগত পৰিণত হয়৷ যাৰ ফলত একধৰণৰ সুৰাৰ সৃষ্টি হয়।
উল্লেখ্য যে নিচাৰ বাবে নিচা জাতীয় দ্ৰৱ্য হিচাবে সেৱন কৰা অদ্ভুত বস্তুবোৰৰ ভিতৰ কণ্ডমেই প্ৰথম নহয়৷ একবিংশ শতিকাৰ মাজভাগত নাইজেৰিয়াত টুথপেষ্ট আৰু জোতাৰ পলিছ বিক্ৰী হঠাতে ৬ গুণ বৃদ্ধি পাইছিল৷ এই দুয়োবিধকে নিচাৰ বাবে সেৱন কৰাৰ বাবে হঠাতে বিক্ৰী হাৰ বৃদ্ধি হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ