প্ৰেমিকলৈ ভিডিঅ’ কল কৰি আত্মহত্যা কৰিছে এগৰাকী যুৱতীয়ে৷ এই চাঞ্চল্যকৰ ঘটনাটো সংঘটিত হৈছে গুৱাহাটী মহানগৰীত৷
ঘটনাৰ বিৱৰণীৰ মতে গুৱাহাটী মহানগৰীৰ উলুবাৰীৰ হৰবালা পথৰ এটা পিজিত এই চাঞ্চল্যকৰ ঘটনাটো সংঘটিত হৈছে৷ পিজিটোৰ বাৰ্থৰুমৰ পৰা যুৱতীগৰাকীৰ মৃতদেহ উদ্ধাৰ কৰা হয়৷
আত্মহত্যা কৰা যুৱতীগৰাকী শৰ্মিষ্ঠা ঘোষ বুলি চিনাক্ত কৰা হৈছে৷ শৰ্মিষ্ঠা ঘোষৰ ঘৰ পশ্চিমবংগৰ আলিপুৰদুৱাৰত৷
লগতে পঢ়ক বৃক্ক বা কিডনীৰ কৰ্কটৰোগ কি? আৰু ল’বলগীয়া সচেতনতাৰ বিষয়ে কিছু কথা…
যুৱতীগৰাকী ব্ৰহ্মপুত্ৰ নাৰ্চিং ইনষ্টিটিউটৰ ছাত্ৰী আছিল৷ ইতিমধ্যে পল্টন বজাৰ আৰক্ষীয়ে ঘটনাস্থলীত উপস্থিত হৈ যুৱতীগৰাকীৰ মৃতদেহ উদ্ধাৰ কৰিছে৷
আৰক্ষীয়ে প্ৰাথমিক তদন্তত যুৱতীগৰাকীয়ে আত্মহত্যাৰ সময়ত প্ৰেমিকলৈ ভিডিঅ’ কলৰ তথ্য লাভ কৰিছে৷ আৰক্ষীয়ে যুৱতীগৰাকীয়ে আত্মহত্যা কৰাৰ সময়ত ব্যৱহাৰ কৰা ফোনটোও উদ্ধাৰ কৰিছে৷
আৰক্ষীয়ে যুৱতীগৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে GMCHৰ মৰ্গত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
