সামাজিক মাধ্যম আৰু একাংশ সংবাদ মাধ্যমত কেন্দ্ৰীয় চৰকাৰৰ কৰ্মচাৰীৰ ডিয়াৰনেছ ভাট্টা ৩৮% লৈ বৃদ্ধি বুলি প্ৰকাশ পাইছে৷ বিশেষকৈ সামাজিক মাধ্যমত এই সম্পৰ্কীয় এখন চাৰ্কুলাৰ ভাইৰেল হোৱাৰ পাছতে এই বাতৰি বিয়পি পৰা দেখা গৈছে৷ চাৰ্কুলাৰখনত কোৱা হৈছে কেন্দ্ৰীয় চৰকাৰৰ কৰ্মচাৰীৰ ডিয়াৰনেছ ভাট্টা যোৱা ১ জুলাইৰ পৰা প্ৰযোজ্য হোৱাকৈ ৩৮% বৃদ্ধি কৰা হৈছে৷
ইয়াৰ পাছতে চৰকাৰী সংস্থা পিআইবিয়ে এই চাকুৰ্লাৰখনৰ সত্যতা সম্পৰ্কে পৰীক্ষা-নিৰীক্ষা কৰে৷ পিআইবিৰ অনুসন্ধানত এই চাৰ্কুলাৰখন ভুৱা বুলি প্ৰমাণিত হৈছে৷ পিআইবিয়ে কয় যে বিত্ত মন্ত্ৰণালয়ে এতিয়ালৈকে কেন্দ্ৰীয় কৰ্মচাৰীৰ ডিয়াৰনেছ ভাট্টা বৃদ্ধি সম্পৰ্কীয় কোনো চাৰ্কুলাৰ জাৰি কৰা নাই৷
লগতে পঢ়ক হিন্দু যুৱতীক যৌন আতিশয্য চলোৱাৰ ভুৱা অভিযোগ! গ্ৰেপ্তাৰ হ’ল প’ৰ্টেলৰ সাংবাদিক, ভাতৃ পলাতক
অৱশ্যে কেন্দ্ৰীয় চৰকাৰৰ কৰ্মচাৰীসকলৰ ডিয়াৰনেছ ভাট্টা কিমান বৃ্দ্ধি পাব সেই বিষয়টো বিগত কে’বামাহৰ পৰাই চৰ্চা লাভ কৰি আহিছে৷ কৰ্মচাৰীসকলৰ ডিয়াৰনেছ ভাট্টা আৰু ৪ শতাংশ বৃদ্ধি হৈ ইয়াৰ পৰিমাণ ৩৮ শতাংশ হ’ব বুলিও চৰ্চা লাভ কৰি আহিছে৷ ২০২২ চনৰ ১ জুলাইৰ পৰা কেন্দ্ৰীয় কৰ্মচাৰীসকলৰ ডিয়াৰনেছ ভাট্টা প্ৰযোজ্য হোৱাৰ কথা৷ সেয়া হ’লে জুলাই মাহৰ পৰাই কেন্দ্ৰীয় চৰকাৰে সেই ধন বকেয়া হিচাপে লাভ কৰিব৷
আনহাতে, পিআইবিয়ে ভাইৰেল হোৱা চাৰ্কুলাৰখন ভুৱা বুলি প্ৰকাশ কৰিলেও অহা নৱৰাত্ৰীৰ সময়ত চৰকাৰে কেন্দ্ৰীয় চৰকাৰৰ কৰ্মচাৰীসকলৰ ডিয়াৰনেছ ভাট্টা বৃদ্ধি সম্পৰ্কীয় ঘোষণা কৰিব পাৰে বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
