তেজস্বিতাৰ মৃত্যুৰ বাবে দায়ী নহয় চিকিৎসাবিভাগ! দায়ী পিতৃ-মাতৃহে, ক’লে মুখ্যমন্ত্ৰী হিমন্ত বিশ্ব শৰ্মাই

অসম লাইভ২৪ঃ মাজুলীৰ তেজস্বিতা বৰুৱাৰ মৃত্যুক লৈ কিছুদিন পূৰ্বে ৰাজ্য তোলপাৰ লগাৰ পাছতেই এইবাৰ বিস্ফোৰক মন্তব্য কৰিছে মুখ্যমন্ত্ৰী ড০ হিমন্ত বিশ্ব শৰ্মাই। পিতৃ-মাতৃয়ে নিয়মীয়াকৈ ঔষধ নুখুওৱাৰ বাবে মৃত্যু হৈছিল প্ৰতিভাৱান তেজস্বিতা বৰুৱাৰ৷ চিকিৎসকৰ গাফিলতিৰ বাবে মৃত্যু হোৱা নাছিল তেজস্বিতাৰ৷ CARDIAC ARREST হৈ মৃত্যু হৈছিল মৃগী ৰোগত আক্ৰান্ত তেজস্বিতাৰ৷ দীৰ্ঘদিনৰ পৰা মৃগী ৰোগত আক্ৰান্ত হৈ আছিল তেজস্বিতা বৰুৱা। জিলা উপায়ুক্তৰ প্ৰতিবেদনত ওলাইছে তেজস্বিতা বৰুৱাৰ মৃত্যুৰ প্ৰকৃত ৰহস্য৷

চিকিৎসকলৈ কি পৰামৰ্শ মুখ্যমন্ত্ৰীৰ?

চিকিৎসকৰ ওপৰত বিভিন্ন প্ৰশ্ন উত্থাপন হোৱাৰ পাছত মাজুলীলৈ অহা চিকিৎসকক সহযোগ কৰিবলৈ আহ্বান জনাইছে মুখ্যমন্ত্ৰী ড০ হিমন্ত বিশ্ব শৰ্মাই৷ মঙলবাৰে মাজুলীৰ ৰাস উপভোগ কৰিবলৈ গৈছিল মুখ্যমন্ত্ৰী ড০ হিমন্ত বিশ্ব শর্মা৷ বুধবাৰে গুৱাহাটীলৈ অহাৰ পূৰ্বে এই গুৰুত্বপূৰ্ণ মন্তব্য কৰে মুখ্যমন্ত্ৰী ড০ হিমন্ত বিশ্ব শৰ্মাই৷ মুখ্যমন্ত্ৰীগৰাকীক এটি সংস্থাপনৰ বাবেও অনুৰোধ জনাই তেজস্বিতাৰ পূৰ্বে মৃত্যু মুখত পৰা মানস বৰাৰ পত্নীয়ে৷ দুমাহ পূৰ্বে ভুল চিকিৎসাৰ বাবে শিক্ষক মানস বৰাৰ মৃত্যু হোৱাৰ অভিযোগ উত্থাপন হৈছিল৷ পত্নীয়ে আজি সাক্ষাৎ কৰে মুখ্যমন্ত্ৰীগৰাকীক৷

মাজুলীৰ ক’ত ৰাস উপভোগ কৰিবলৈ গৈছিল মুখ্যমন্ত্ৰী?

মঙলবাৰে গড়মূৰৰ বংশী গোপাল নাট্য মন্দিৰত ৰাস উপভোগ কৰে মুখ্যমন্ত্ৰী ড০ হিমন্ত বিশ্ব শৰ্মাই৷ জেংৰাইমুখতো ৰাস উপভোগ কৰে মুখ্যমন্ত্ৰীগৰাকীয়ে৷ চামগুৰি, বেঙেনাআটী সত্ৰলৈও যায় হিমন্ত বিশ্ব শৰ্মা৷ ভোগপুৰ সত্ৰত এখন গ্ৰন্থও উন্মোচন কৰে মুখ্যমন্ত্ৰীগৰাকীয়ে৷ গুৰুত্বপূৰ্ণ কথা যে মাজুলীৰ ৰাস মহোৎসৱত অংশগ্ৰহণ কৰাৰ পাছত তেজস্বিতাৰ মৃত্যুক লৈ প্রথমবাৰৰ বাবে ৰাজহুৱাকৈ গুৰুত্বপূৰ্ণ মন্তব্য কৰে মুখ্যমন্ত্ৰী হিমন্ত বিশ্ব শৰ্মাই৷ মাজুলীৰ তেজস্বিতা বৰুৱাৰ মৃত্যুক লৈ কিছুদিন পূৰ্বে ৰাজ্য তোলপাৰ লগাৰ পাছত বিস্ফোৰক মন্তব্য মুখ্যমন্ত্ৰী ড০ হিমন্ত বিশ্ব শৰ্মাৰ৷ পিতৃ-মাতৃয়ে নিয়মীয়াকৈ ঔষধ নুখুওৱাৰ বাবে মৃত্যু হৈছিল প্ৰতিভাৱান তেজস্বিতা বৰুৱাৰ৷ চিকিৎসকৰ গাফিলতিৰ বাবে মৃত্যু হোৱা নাছিল তেজস্বিতাৰ৷ CARDIAC ARREST হৈ মৃত্যু হৈছিল মৃগী ৰোগত আক্ৰান্ত তেজস্বিতাৰ৷ দীৰ্ঘদিনৰ পৰা মৃগী ৰোগত আক্ৰান্ত হৈ আছিল তেজস্বিতা৷ জিলা উপায়ুক্তৰ প্ৰতিবেদনত ওলাইছে তেজস্বিতা বৰুৱাৰ মৃত্যুৰ প্ৰকৃত ৰহস্য৷ চিকিৎসকৰ ওপৰত বিভিন্ন প্ৰশ্ন উত্থাপন হোৱাৰ পাছত মাজুলীলৈ অহা চিকিৎসকক সহযোগ কৰিবলৈ আহ্বান মুখ্যমন্ত্ৰী ড০ হিমন্ত বিশ্ব শৰ্মাৰ৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ