অসম লাইভ২৪ঃ গামোচাই লাভ কৰিলে GI(Geographical Indication)টেগ৷ কেন্দ্ৰীয় মন্ত্ৰী সৰ্বানন্দ সোনোৱালে টুইটযোগে অসমবাসীক দিছে ভালখবৰটো৷ গামোচাৰ বজাৰত অসমৰ শিপিনীয়ে হাতেবোৱা গামোচাই মৰ্যাদা হেৰুওৱাইছে বুলি প্ৰায় প্ৰতিসময়তে অভিযোগ উত্থাপিত হৈ থকাৰ সময়তে আহিছে এই ভাল খবৰটো৷ এতিয়াৰে পৰা অসমৰ গামোচাও পঞ্জীয়নকৃত হৈছে৷ ১৯৯৯ চনত পঞ্জীয়ন আৰু সুৰক্ষা আইনৰ অধীনত এই টেগ লাভ কৰিছে গামোচাই৷
GI টেগ প্ৰকৃততে কি?
১৯৯৯ চনৰ পঞ্জীয়ন আৰু সুৰক্ষা আইনত উল্লেখ থকা মতে Geographical Indication টেগ কোনো এখন ৰাজ্য, অঞ্চল, দেশৰ কোনো ব্যৱসায়ীয়ে নিজাববীয়াকৈ ভাল মানদণ্ডৰ সামগ্ৰী উৎপাদন কৰা গোটক এই টেগ প্ৰদান কৰে ভাৰত চৰকাৰে৷
Geographical Indication টেগ হৈছে এক নিৰ্দিষ্ট ভৌগোলিক এলেকাত উৎপাদন হোৱা সামগ্ৰীৰ ওপৰত ব্যৱহৃত এক চিহ্ন৷ অঞ্চলটোত ভাল গুণাগুণ বা সুনাম নিশ্চিত কৰা সামগ্ৰীয়েহে এই টেগ লাভ কৰে৷ Geographical Indication টেগ হৈছে কৃষি, যন্ত্ৰপাতি, মিঠাই, কাপোৰ আদিৰ সৈতে সম্পৰ্কিত সামগ্ৰীৰ দ্বৈততা পৰীক্ষা কৰিবলৈ ব্যৱহাৰ কৰা এক নাম বা চিহ্ন। এক নিৰ্দিষ্ট ভৌগোলিক অৱস্থানৰ সামগ্ৰীয়ে এই টেগ লাভ কৰে৷
Geographical Indication টেগৰ উদ্দেশ্য কি?
GI টেগৰ মূল উদ্দেশ্য হৈছে এবাৰ পঞ্জীভুক্ত সামগ্ৰী দেশৰ অন্য এলেকাত উঞপাদিত হ’লেও সেই সামগ্ৰীৰ গুণাগুণ পৰীক্ষা কৰা হ’ব৷ ইচ্ছানুযায়ী কোনোৱে এই সামগ্ৰী নিজৰ বুলি দাবী কৰিব নোৱাৰিব৷ GI টেগে সেই নিৰ্দিষ্ট এলেকাটোত উৎপাদিত সামগ্ৰীবিধৰ সুৰক্ষা কৱচ৷
ভাৰতত GI টেগ কোনে জাৰি কৰে?
পঞ্জীয়ন আৰু সুৰক্ষা আইন, ১৯৯৯ অনুসৰি জিআই টেগ জাৰি কৰা হয়। এই টেগ উদ্যোগ আৰু প্ৰচাৰ, আভ্যন্তৰীণ বাণিজ্য বিভাগ, বাণিজ্য আৰু উদ্যোগ মন্ত্ৰালয়ৰ অধীনত প্ৰদান কৰা হয়।
বৰ্তমান দেশত কি কি সামগ্ৰীয়ে GI টেগ লাভ কৰিছে?
প্ৰথমবাৰৰ বাবে অসমৰ এবিধ সামগ্ৰীয়ে GI টেগ লাভ কৰিবলৈ সক্ষম হৈছে৷ গামোচাই GI টেগ লাভ কৰাৰ পাছতেই বহুতৰেই মনত প্ৰশ্ন, ভাৰতত আৰু কোন ৰাজ্যৰ কি সামগ্ৰীয়ে এই টেগ লাভ কৰিবলৈ সক্ষম হৈছে৷ পোনতেই যদি চোৱা যায়, পশ্চিমবংগই দাৰ্জিলিং চাহত, কেৰালাৰ বস্ত্ৰ আৰানমুল্লা কান্নাদি(Aranmulla Kannadi), তেলেংগানাৰ বস্ত্ৰ পোচাম্পল্লি ইকাত(Pochampalli Ikat), কৰ্ণাটকৰ Mysore Silk কে ধৰি দেশৰ প্ৰায় বহুকেইখন ৰাজ্যৰেই নিজা উৎপাদিত সামগ্ৰীয়ে এই টেগ লাভ কৰিবলৈ সক্ষম হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
