অসম লাইভ২৪ঃ বিগত দেওবাৰে বিশ্বকাপ ফুটবলৰ সামৰণি পৰিল। আৰ্জেণ্টিনা বাহিনীও ট্ৰ্ফী লৈ দেশলৈ উভতিল। মৰু উপত্যকা নিজম পৰিলেও সামাজিক মাধ্যমত কিন্তু আজিও ট্ৰেণ্ডিঙত মেছিবাহিনী। মেছিক লৈ বিশ্বত যিয়েই চৰ্চা নচলক কিয় আমাৰ ৰাজ্যত কিন্তু মেছিৰ চৰ্চা অন্য কাৰণতহে। অসমত আৰম্ভ হোৱা চৰ্চা পাইছগৈ বীৰেন্দৰ ছেহৱাগৰ হাতত। ছেহৱাগেও নিজা সামাজিক মাধ্যমত অসমত চলি থকা বিশেষ মিমটো শ্বেয়াৰ কৰিছে।
ছেহৱাগে শ্বেয়াৰ কৰা পষ্টটোত দেখা গৈছে মেছিৰ অন্যৰূপ। ফটোখনত মেছিয়ে পৰিধান কৰিছে ডিএছপিৰ পোছাক। ফটোখনৰ কেপশ্ব্যনত ছেহৱাগে লিখিছে,’যদি মেছিয়ে ভাৰতত জন্মলাভ কৰিলে হেতেন তেন্তে আজি মেছি ডিএছপি হ’লহেতেন।’
কিয় ছেহৱাগে এই পষ্ট দিলে সেই সম্পৰ্কত একাংশ ক্ৰীড়া সমালোচকে উল্লেখ কৰা অনুযায়ী ভাৰতৰ কোনো ক্ৰীড়াবিদে আন্তৰ্জাতিক কোনো খেলত জয়লাভ কৰিলেই লগে লগে দেশৰ প্ৰশাসনিক সেৱাত চাকৰি দিয়া হয়। বেছিভাগকেই আৰক্ষী বিভাগত চাকৰি দিয়া হয়। উদাহৰণস্বৰূপে হিমা দাস, নীৰজ চোপ্ৰা, বজৰং পুনিয়া, লাভলীনা বৰগোঁহাই, আদি খেলুৱৈয়ে লাভ কৰিছে আৰক্ষীৰ ডিএছপি চাকৰি। সেয়ে যদি মেছিয়ে ভাৰতত জন্মলাভ কৰিলেহেতেন তেন্তে নিশ্চয় মেছিয়ে এতিয়া চৰকাৰী চাকৰি লাভ কৰিলেহেতেন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
