অসম লাইভ২৪ঃ ৩০ ডিচেম্বৰত দুৰ্ঘটনাত পতিত ঋষভৰ জীৱন ৰক্ষাত সহায়ক হৈ উঠিল উপস্থিত স্থানীয় লোকৰ মাত্ৰ ৭ হাজাৰ টকা৷ কিন্তু ঋষভৰ বাৰ্ষিক আয় জানেনে? মাত্ৰ ২৫ বছৰ বয়সতেই ঋষভ প্ৰায় ৭০ কোটি টকাৰ সম্পত্তিৰ গৰাকী৷ মাত্ৰ ২৫ বছৰতেই দেশৰ প্রধানমন্ত্ৰী মোদীতকৈ ৭০ গুণ অধিক সম্পত্তিৰ গৰাকী ঋষভ পণ্ট৷
সংবাদ সূত্ৰেই প্ৰকাশ কৰামতে ২০২০ চনত ঋষভৰ সম্পত্তিৰ পৰিমান আছিল ২৯.১৯ কোটি৷ ২০২২ লৈ এই সম্পত্তিৰ পৰিমান বৃদ্ধি হৈ হৈছেগৈ প্ৰায় ৮.৫ মিলিয়ন ডলাৰ৷ অৰ্থাৎ ভাৰতীয় টকাত এই সম্পত্তিৰ পৰিমাণ ৭০ কোটি৷ ক্ৰিকেটাৰ ঋষভৰ সম্পত্তিৰ তালিকাত যুক্ত হৈ আছে তেওঁৰ বিলাসী গাড়ীসমূহ৷ গাড়ীৰ প্ৰতি বিশেষ চখ আছে ঋষভৰ৷ বিলাসী গাড়ীৰ কালেকশ্যনৰ ভিতৰত আছে মাৰ্ছিডিছ, অডি-৮, ফৰ্ডকে ধৰি কেইবাখনো বিলাসীগাড়ী৷ বাওঁহতীয়া বেটাৰ ঋষভৰ এই গাড়ীসমূহৰ দাম কেইবাকোটিও৷
ঋষভ পণ্টৰ বাৰ্ষিক আয় কিমান?
ঋষভ পণ্টৰ বাৰ্ষিক আয়ত কেৱল খেলৰ পৰা লাভ কৰা ধনেই নহয় আছে কেইবাটাও বহুজাতিক কোম্পানীৰ বিজ্ঞাপনো৷ ঋষভে Dream 11, RealMe, Boat, SG, Noise আদি কেইবাটাও বহুজাতিক কোম্পানীৰ সৈতে চুক্তিবদ্ধ হৈ আছে ঋষভ৷ মাহিলী ২-৩ মিলিয়ন ডলাৰৰো বেছি ধন বাৰ্ষিক উপাৰ্জন ঋষভৰ৷ ভাৰতীয় টকাত এই ধনৰ পৰিমান হ’ব ১৭ কোটিতকৈ অধিক৷ জন্মসূত্ৰে ঋষভ উত্তৰাখণ্ডৰ বাসিন্দা৷ কিন্তু বৰ্তমান তেওঁ দিল্লীৰ বাসিন্দা৷ দিল্লীৰ হৈয়েই ঋষভে আৰম্ভ কৰিছিল ক্ৰিকেটৰ কেৰিয়াৰ৷ বৰ্তমান তেওঁ ভাৰতৰ ক্ৰিকেট দলৰ তাৰকা উইকেটকিপাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
