অসম লাইভ২৪ঃ ইচ্ছাপূৰণৰ বাবেই শিৱমন্দিৰত ৰুদ্ৰ অভিষেক কৰা হয়৷ ভক্তসকলে এই দিনটোত উপবাসে থকাৰ উপৰিও মহাশিৱৰাত্ৰীৰ ব্ৰতকথাও বহুতে পাঠ কৰে৷ লোকবিশ্বাস অনুসৰি ভগৱান শিৱ সৃষ্টি, প্ৰলয়, স্থিতিৰ দেৱতা৷ হিন্দু মহাপুৰাণত উল্লেখ থকা অনুসৰি শিৱপূজাৰ নিশাই মহাদেৱে তাণ্ডৱ নৃত্য কৰাৰ লগতে পাৰ্বতীৰ সৈতে বিয়াতো বহিছিল৷ পৌৰাণিক কাহিনীতো ব্ৰহ্মা আৰু বিষ্ণুতকৈ শিৱ শ্ৰেষ্ঠ বুলি বাৰে বাৰেই প্ৰমাণো কৰা হৈছে৷ কথিত কাহিনী অনুসৰি ভগৱান শিৱক শিৱপূজাৰ দিনটোত উপাসনা কৰিলে মনৰ সকলো কামনাই পূৰ্ণ হয়৷ ভগৱান শিৱই ভক্তসকলক নিৰাশ নকৰে৷ সেয়ে জ্যোতিষ গণনাতো এইবাৰ বিশেষ ৪ টা ৰাশিয়ে এইবাৰ ভগৱান শিৱৰ বিশেষ আশীষ লাভ কৰিব৷ কোনকেইটা ৰাশিৰ বছৰটো ভালে যাব?
মেষ ৰাশি
মঙল এই ৰাশিৰ প্ৰধান গ্ৰহ৷ মঙল গ্ৰহক ভগৱান শিৱৰ অংশ বুলি ধৰা হয়৷ হিন্দু পুৰাণ অনুসৰি অন্ধকাসুৰ ৰাক্ষকৰ সৈতে যুদ্ধ কৰাৰ সময়ত ভগৱান শিৱৰ ঘামৰ এটি টোপালে মাটি স্পৰ্শ কৰিছিল৷ তাতেই মঙল দেৱৰ উৎপত্তি৷ সেই সময়ত ভগৱান শিৱই যিহেতু ক্ৰুদ্ধ হৈ আছিল সেয়ে মহাদেৱ সহজেই ক্ষোভিত হৈ পৰিছিল৷ মেষ ৰাশিৰ জাতকসকলে মঙলৰ প্ৰভাৱ থকা হেতুকে মহাশিৱৰাত্ৰীত আচাৰ অনুযায়ী ভগৱান শিৱৰ পূজা কৰা উচিত৷ ভগৱান শিৱক গংগাজল আৰু গৰুৰ গাখীৰ নিবেদন কৰিলে কৰ্মজীৱনত সহায়ক হ’ব৷
বৃশ্চিক ৰাশি
বৃশ্চিক ৰাশিৰ বাবেও মঙল প্ৰধান গ্ৰহ৷ শিৱৰাত্ৰীত ভগৱান শিৱই তেওঁলোককো বিশেষ আশীৰ্বাদ দিয়ে৷ এই ৰাশিৰ জাতকসকলে মহাশিৱৰাত্ৰীত মন্দিৰত ভগৱান শিৱৰ অভিষেখ কৰিলে চাকৰি আৰু ব্যৱসায়ত সফলতা লাভ কৰিব৷
মকৰ ৰাশি
মকৰ ৰাশিত শনি দেৱতাৰ আধিপত্য৷ শনিদেৱ ভগৱান শিৱৰ অন্যতম প্ৰধান ভক্ত৷ সেয়ে মকৰ ৰাশিৰ জাতকসকলে শনি আৰু মহাদেৱ উভয়ৰে পৰাই বিশেষ আশীৰ্বাদ পায়৷ এই ৰাশিৰ জাতকসকলে ভগৱান শিৱৰ উপাসনাত বেলপাত, গঙ্গাজল, গৰুৰ গাখীৰ আদি ব্যৱহাৰ কৰিব পাৰে৷
কুম্ভ ৰাশি
শনিদেৱ এই ৰাশিৰ অধিপতি৷ এই ৰাশিৰ জাতকসকলে শিৱ আৰু শনিদেৱৰ বিশেষ আশীৰ্বাদ পায়৷ এই ৰাশিৰ জাতকসকলে শিৱ পূজা কৰা উচিত৷ লগতে শিৱ পূজাত উপবাসে থাকিলেও সুফল লাভ কৰিব৷ পেছাগত কামত এই ব্যক্তিয়ে সফলতা লাভ কৰাৰ লগতে সম্পদো বৃদ্ধি পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
