ভায়েগ্ৰা পাকিস্তানত নিষিদ্ধ! যৌনশক্তি বঢ়াবলৈ এইবিধ সৰীসৃপৰ তেল ব্যৱহাৰ কৰে পাকিস্তানীসকলে

অসম লাইভ২৪ঃ ভায়েগ্ৰা নিষিদ্ধ হৈছে পাকিস্তানত৷ ভায়েগ্ৰা নিষিদ্ধ হোৱাৰ পাছতেই পকিস্তানী পুৰুষসকলে ভায়েগ্ৰাৰ সলনি কি ব্যৱহাৰ কৰিব পাৰি সেয়া বিচৰা আৰম্ভ কৰিছে৷ যৌনশক্তি বৰ্ধক ঔষধৰ বিকল্প হিচাপে বিশেষ পন্থা হাতত লৈছে পাকিস্তানৰ লোকে৷ সংবাদ সংস্থা এএফপিয়ে জনোৱা অনুসৰি এবিধ জেঠিজাতীয় সৰীসৃপৰ বিক্ৰি বাঢ়িছে পাকিস্তানত৷ একাংশৰ বিশ্বাস যে এই সৰীসৃপৰ চৰ্বিৰ পৰা ওলোৱা তেল ব্যৱহাৰ কৰিলেই যৌনশক্তি বাঢ়ে৷ সংবাদ সংস্থাই জনোৱা অনুসৰি ৰাওৱালপিণ্ডিত এই তেলৰ চাহিদা বহু বেছি৷ পাকিস্তানৰ ৰাজা বজাৰত এই সৰীসৃপৰ তেল বিক্ৰী কৰে৷ এই তেল বিক্ৰেতাৰ মতে এই তেলৰ মাত্ৰ ৫ টোপালেই যথেষ্ট৷

পাকিস্তানত বিক্ৰী হোৱা এই প্ৰজাতিৰ সৰীসৃপ ভাৰততো উপলব্ধ৷ চোৰাং চিকাৰীয়ে ভাৰতৰ পৰাও চোৰাঙকৈ এই সৰীসৃপ ধৰি বিক্ৰি কৰিছে৷ এই সৰীসৃপ বেগাই দৌৰিব পাৰে৷ যাৰ বাবে ইয়াক ধৰাও ইমান সহজ নহয়৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ