আগন্তুক বৰ্ষত ৫টা গ্ৰহণ, ২৪ত কেতিয়া চন্দ্ৰগ্ৰহণ আৰু কেতিয়া সূৰ্যগ্ৰহণ?

অসম লাইভ২৪ঃ ধৰ্ম আৰু জ্যোতিষত গ্ৰহণৰ বিশেষ মাহাত্ম্য আছে। ২০২৩চনৰ চাৰিটা গ্ৰহণৰ পাছত ২০২৪ চনত পৰিব ৫টা গ্ৰহণ। জ্যোতিষ শাস্ত্ৰত সূৰ্য আৰু চন্দ্ৰগ্ৰহণত বিশেষ ধৰ্মীয় মাহাত্ম্য আছে। যাৰ শুভ আৰু অশুভ প্ৰভাৱ পৰিব ব্যক্তিৰ জীৱনত। গ্ৰহণৰ পূৰ্বে যি সূতক কাল আৰম্ভ হয়, সেই সময়ত একাধিক কাম বৰ্জিত। গ্ৰহণৰ সময়ত বিশেষ কেইটামান কাম কৰা উচিত নহয়। গ্ৰহণৰ সময়ত কি কি নিয়ম পালন কৰিলে সুফল পোৱা যায়? ২৪ৰ কেতিয়া চন্দ্ৰগ্ৰহণ আৰু কেতিয়া সূৰ্যগ্ৰহণ জানি লওক পূৰ্বেই।

২০২৪ চনৰ সূৰ্য গ্ৰহণ
৮ এপ্ৰিল ২০২৪ত বছৰৰ প্ৰথমটো সূৰ্য গ্ৰহণ। এইয়া পূৰ্ণগ্ৰাস সূৰ্যগ্ৰহণ। পশ্চিম ইউৰোপ, উত্তৰ আমেৰিকা, উত্তৰ-দক্ষিণ আমেৰিকা, প্ৰশান্ত মহাসাগৰ অঞ্চল, আটলাণ্টিক মহাসাগৰীয় অঞ্চল, আৰ্কটিকৰ পৰা এই গ্ৰহণ দৃশ্যমান হ’ব। বছৰৰ প্ৰথমটো সূৰ্যগ্ৰহণ ভাৰতত দেখা নাযাব।

২৪ৰ দ্বিতীয়টো সূৰ্যগ্ৰহণ ২ অক্টোবৰ বুধবাৰে হ’ব। এয়া কঙ্কনাকৃতি গ্ৰহণ। দক্ষিণ আমেৰিকা, প্ৰশান্ত মহাসাগৰীয় অঞ্চল, আটলাণ্টিক মহাসাগৰীয় অঞ্চল, আৰ্কটিকৰ অধিকাংশ এলেকাতেই এই গ্ৰহণ দৃশ্যমান হ’ব। বছৰৰ দ্বিতীয় সূৰ্য গ্ৰহণো ভাৰতত দেখা নাযাব।

২০২৪ চনৰ চন্দ্ৰগ্ৰহণ
২৫ মাৰ্চ ২০২৪ত বছৰৰ প্ৰথম চন্দ্ৰগ্ৰহণ হ’ব। ফাগুনী পূৰ্ণিমাতেই এই গ্ৰহণ হ’ব।
দ্বিতীয় চন্দ্ৰগ্ৰহণ হ’ব ১৮ ছেপ্টেম্বৰত। এয়া আংশিক চন্দ্ৰগ্ৰহণ।
বছৰৰ শেষ চন্দ্ৰ গ্ৰহণ হ’ব ১৭ অক্টোবৰত।

গ্ৰহণত কি কাম কৰিব কি নকৰিব?
শাস্ত্ৰত গ্ৰহণৰ সময়ত কিছু কাম কৰাৰ পৰামৰ্শ দিয়া হৈছে। কি কি কামৰ পৰা বিৰত থাকিব সেই কথাও উল্লেখ আছে শাস্ত্ৰত। গ্ৰহণৰ সময়ত মানসিক জপ আৰু তপস্যা কৰিব পাৰে। সূৰ্য আৰু চন্দ্ৰৰ পূজা কৰিব পাৰে। নিজৰ ৰাশিৰ অধিপতি গ্ৰহৰ মন্ত্ৰ জপ কৰিব পাৰে।
তেল আৰু ঘিউৰে তৈয়াৰ কৰা খাদ্য, গাখীৰ, ঘী, আচাৰ, পনীৰ, মাখনত তুলসী বা কুশ দি থব পাৰে। এনেকৈ থলে খাদ্যসমূহ দূষিত নহয়। শুকান খাদ্য বস্তুত তুলসী নিদিলেও চলে।
গ্ৰহণৰ সময়ত অন্যান্য পূজা অৰ্চনা একেবাৰে বৰ্জন কৰিব। ইয়াৰোপৰি গ্ৰহণৰ সময়ত মূৰ্তি স্পৰ্শ কৰিব নালাগে।
গ্ৰহণৰ সময়ত ভোজন একেবাৰেই উচিত নহয়। এই সময়ত শ্ৰাদ্ধ কৰা অনুচিত। বৃদ্ধ, বালক সকলোৰে ওপৰত এই নিয়ম কাৰ্যকৰী হ’ব।
গ্ৰহণৰ সময়ত মন্দিৰতো প্ৰৱেশ কৰিব নালাগে। ইয়াৰোপৰি নখ আৰু চুলিও নাকাটিব। তেল মালিছ কৰাৰ পৰাও বিৰত থাকিব। যাত্ৰা এৰাই চলক।
গৰ্ভৱতী মহিলাসকলে গ্ৰহণৰ সময়ত ধাৰযুক্ত সামগ্ৰী ব্যৱহাৰৰ পৰা বিৰত থাকক। ঈশ্বৰৰ নাম জপ কৰিব। গ্ৰহণ চলাৰ সময়ত নিজৰ কামত কুশ আৰু গংগাজল থ’ব।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ