অসম লাইভ২৪ঃ আজি বিশ্বজয় কৰিব পাৰিবনে ৰোহিত বাহিনীয়ে সেয়া সময়ৰ হাতত এৰিছে দেশবাসীয়ে। দেশবাসীৰ ভৰসা এতিয়া বলাৰৰ ওপৰত। কিন্তু ইয়াৰ মাজতেই ক’ব লাগিব ভাৰতীয় দলৰ অন্যতম খেলুৱৈ বিৰাট কোহলীৰ কথা। সদ্য ৫০তম শতৰানৰ ৰেকৰ্ড গঢ়িছে বিৰাট কোহলীয়ে। ৩৪ বছৰ পূৰ্ণ কৰি ৩৫ বছৰত ভৰি দিওতেই এই ৰেকৰ্ড আহিল বিৰাটৰ হাতলৈ। এই সকলোবোৰৰ মাজত বিৰাটৰ সম্পত্তিৰ কথাবোৰো খুবেই চৰ্চা হৈছে। বিপুল অংকৰ ৰানেই নহয় বিপুল সম্পত্তিৰো অধিকাৰী কোহলী।
ক্ৰিকেটৰ ওপৰিও একাধিক সংস্থাৰ বিজ্ঞাপনৰ সৈতে তেওঁ জড়িত। ধৈৰ্য্য, অধ্যবসায় পৰিশ্ৰম, নিষ্ঠা আৰু বুদ্ধিমত্তাৰ জোৰতেই কিং কোহলী খ্যাতিৰ শিখৰত। একাধিক ঘৰ, গাড়ীসহ আৰু কি কি আছে তেওঁৰ সম্পত্তিৰ তালিকাত?
১. মায়ানগৰী মুম্বাইৰ ওৰলিত এটা এপাৰ্টমেণ্ট আছে বিৰাটৰ। সেই এপাৰ্টমেণ্টৰ মুল্য প্ৰায় ৩৪ কোটি। ৮০ কোটি টকা মূল্যৰ এটা বাংলো আছে দিল্লীৰ গুৰুগ্ৰামত।
২. বিৰাটৰ হাতত মাজে মাজে দেখা যায় ৰোলেক্সৰ বিশেষ ঘড়ী। ৫৬টা হিৰা আৰু সোনেৰে তৈয়াৰী ৰোজগল্ড ৰঙৰ এই ঘড়ীৰ মূল্য আনুমানিক ৬৯ লাখ টকা।
৩. কিং কোহলীৰ আছে প্ৰায় ১.১ কোটি টকা দামৰ এখন অডিও। অডি সংস্থাৰ আৰ এছ ৫ কুপ গাড়ীখন ভাৰতত প্ৰথম কোহলীয়েই ক্ৰয় কৰিছে।
৪. কোহলীয়ে আৰু এখন গাড়ী ক্ৰয় কৰিছে। বিলাসবহুল সেই ৰেঞ্জ ৰোভাৰ গাড়ীখনৰ মূল্য আনুমানিক ২.৭ কোটি টকা।
৫. গাড়ী ক্ৰয়ৰ ক্ষেত্ৰত বিৰাট সঁচায়ে চৌখিন। বিৰাটে বেণ্টলে ফ্লাইং স্পাৰ বাহনো ক্ৰয় কৰিছে। এই বাহনৰ দাম প্ৰায় ৪কোটি টকা।
৬. খেলৰ ওপৰিও বিৰাটৰ ফেশ্বন ষ্টেটমেণ্টো অনুৰাগীসকলৰ বিশেষ পছন্দৰ। ১৩.২ কোটি টকা দামী ফেশ্বন ব্ৰেণ্ড ‘ৰং’ ৰো মালিক বিৰাট।
৭. গাড়ী, বাংলো, ফেশ্বন ব্ৰেণ্ডৰ পাছত বিৰাটে বিনিয়োগ কৰিছে ৰেষ্টোৰাৰ ব্যৱসায়তো। ভাৰ্তিক তিহাৰা, অংশুল গোৱেল আৰু অংকিত তয়ালৰ সৈতে কোটি টকা ব্যয়েৰে তেওঁ ক্ৰয় কৰিছে ৰেষ্টুৰেণ্ট। কলকাতা, দিল্লী, পুনে আৰু মুম্বাইতো আছে তেওঁৰ ৰেষ্টুৰেণ্ট।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
