ডিজিটেল ডেস্কঃ দিল্লীত কেন্দ্ৰ-ৰাজ্য চৰকাৰৰে শান্তি চুক্তি স্বাক্ষৰিত হ’ল আলফাৰ। বহুদিনীয়া অপেক্ষাৰ অন্তত কেন্দ্ৰীয় গৃহমন্ত্ৰীৰ উপস্থিতিত দিল্লীত স্বাক্ষৰিত হ’ল ঐতিহাসিক শান্তি চুক্তি। মুখ্যমন্ত্ৰী হিমন্ত বিশ্ব শৰ্মাৰ লগতে আলফাৰ আলোচনাপন্থী গোটৰ প্ৰায় সকলো শীৰ্ষ নেতা উপস্থিত থাকিল এই শান্তি চুক্তি অনুষ্ঠানত।
শান্তি চুক্তিত স্বাক্ষৰ কৰি কেন্দ্ৰীয় গৃহমন্ত্ৰীয়ে কয়, এয়া মোৰ বাবে অতিকৈ গৌৰৱৰ ক্ষণ। প্ৰধানমন্ত্ৰী নৰেন্দ্ৰ মোডীয়ে সন্ত্ৰাসবাদমুক্ত এখন ভাৰত গঢ়াৰ বাবে যি অহোপুৰুষাৰ্থ প্ৰচেষ্টা চলাই আছে। সেই প্ৰচেষ্টাৰে এয়া ফল। আজিৰে পৰা অসম তথা উত্তৰ-পূবত সন্ত্ৰাসবামুক্ত বুলি ক’ব পাৰি। এই সমগ্ৰ প্ৰক্ৰিয়াত জড়িত হৈ থকা সকলোকে মই ধন্যবাদ জ্ঞাপন কৰিছো।
কেন্দ্ৰীয় গৃহমন্ত্ৰীগৰাকীয়ে লগতে কয় যে, এই চুক্তিৰ জৰিয়তে অসমত বৃহত অনুদানৰ পেকেজ ঘোষণা কৰা হব। আৰু কেন্দ্ৰীয় চৰকাৰৰ তৰফৰ পৰা আমি কথা দিছো যে, চুক্তিত থকা ফুল ষ্ট আৰু ডাড়িৰ লৈকে আমি প্ৰতিশ্ৰুতি পালন কৰিম। তেওঁ লগতে কয়, ৫বছৰত ৯খন চুক্তি অসমত স্বাক্ষৰ কৰা হৈছে। ৮হাজাৰৰতকৈ অধিক যুৱক-যুৱতী মূলসুতিঁলৈ ঘুৰি আহিছে। অসম তথা উত্তৰ-পূবত এই উন্নয়নৰ ধাৰা অব্যাহত থাকিব।”
চুক্তি সমাপন কৰাৰ পাছতে মুখ্যমন্ত্ৰী ড০ শৰ্মাই কয় যে, এয়া হৈছে এখন ঐতিহাসিক দলিল। অসম তথা অসমবাসীৰ বাবে এই চুক্তিয়ে শান্তি আৰু প্ৰগতিৰ ধাৰা বোৱাই আনিব। এই দীঘলীয়া সংগ্ৰামকালত নিৰুদিষ্ট হৈ থকা আলফাৰ প্ৰতিটো পৰিয়ালক সংস্থাপন প্ৰদান কৰা হব।” মুখ্যমন্ত্ৰীগৰাকীয়ে লগতে এই দীঘলীয়া কালচোৱাত সকলোৰে সহায়-সহযোগিতাক কৃতজ্ঞতা জ্ঞাপন কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
