ডিজিটেল ডেস্কঃ পেট্ৰল-ডিজেলৰ দামক লৈ আপুনি আৰু বেচি চিন্তা কৰাৰ প্ৰয়োজন নাই। কিয়নো অচিৰেই প্ৰতিলিটাৰ পেট্ৰল-ডিজেলৰ মূল্য ১০টকা পৰ্যন্ত হ্ৰাস পাব! শেহতীয়া পৰিস্থিতিলৈ চাই এয়া অসম্ভৱ যেন লাগিলেও এয়া মিছা প্ৰচাৰ নহয়। কেন্দ্ৰীয় চৰকাৰে নতুন বছৰত দেশবাসীক এই বৃহত উপহাৰ দিয়াৰ পৰিকল্পনা কৰিছে। ৰাষ্ট্ৰীয় সংবাদমাধ্যমত প্ৰকাশিত খবৰ অনুসৰি, প্ৰতিলিটাৰ পেট্ৰল-ডিজেলত ৮-১০টকা পৰ্যন্ত দাম হ্ৰাস পাব পাৰে নতুন বছৰত।
পেট্ৰল-ডিজেলৰ মূল্য হ্ৰাসক লৈ ইতিমধ্যে কেন্দ্ৰীয় চৰকাৰৰ প্ৰতিনিধি আলোচনাত বহিছে তেল কোম্পানীবোৰৰ সৈতে। সকলো ঠিকে-ঠাকে থাকিলে জানুৱাৰী মাহতে দেশবাসীক কেন্দ্ৰীয় চৰকাৰে দিব পাৰে এই ডাঙৰ সকাহ। ইফালে আন্তৰাষ্ট্ৰীয় বজাৰত খাৰুৱা তেলৰ মূল্যও হ্ৰাস পাইছে। এই পৰিস্থিতিৰে সুযোগ লৈ দেশবাসীক কিছু সকাহ প্ৰদান কৰিব বিচাৰিছে কেন্দ্ৰীয় চৰকাৰে।
উল্লেখ কৰা প্ৰয়োজন যে, ২০২২ৰ মে মাহৰ পৰাই দেশত পেট্ৰল-ডিজেলৰ মূল্যৰ কোনো সাল-সলনি হোৱা নাই। বৰ্তমান অসমত প্ৰতিলিটাৰ পেট্ৰলৰ দাম প্ৰায় ৯৮টকা আৰু প্ৰতিলিটাৰ ডিজেল প্ৰায় ৯০টকাত বিক্ৰী হৈ আছে। কেন্দ্ৰীয় চৰকাৰৰ এই পৰিকল্পনা ফলপ্ৰসু হলে অচিৰেই অসমবাসীয়ে ১০কম মূল্যত কিনিব পাৰিব পেট্ৰল-ডিজেল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
