বিয়া পাতি লৈ বিপদ ? কংকাল হৈ পৰিছে ৰনদীপ হুদা, ফটো দেখি কান্দি পেলালে মাতৃয়ে
২০২৩ চনৰ নৱেম্বৰ মাহত বিয়া হৈছিল হে , ৪ মাহৰ ভিতৰতে হঠাতে কংকাল সদৃশ হৈ পৰিছে বলীউডৰ বলিষ্ঠ অভিনেতা ৰনদীপ হুদা। সামাজিক মাধ্যমত নিজৰ ফটো শ্বেয়াৰ কৰি এই বিষয়ে জানিবলৈ দিয়ে অভিনেতাগৰাকীয়ে।
অৱশ্যে ভয় কৰিবলগীয়া একো নাই। এয়া কোনো বেমাৰ বা কোনো সমস্যাৰ বাবে নহয়, বৰঞ্চ পূৰ্বৰ দৰে চৰিত্ৰ অনুযায়ী চেহেৰা সলাইছে অভিনেতাগৰাকীয়ে।
চৰিত্ৰৰ দাবী অনুসাৰেই যিদৰে পূৰ্বেও নিজকে সলাই লৈ সকলোৰে দৃষ্টি আকৰ্ষণ কৰিছিল, তেনেদেৰ এইবাৰো চৰিত্ৰত সম্পূৰ্ণৰূপে খাপ খাই পৰিবৰ বাবে এইদৰে সলাই লৈছে ৰনদীপে নিজকে। মুঠ ২৬ কেজি হ্ৰাস কৰিছে অভিনেতাগৰাকীয়ে।
শৰীৰ বুলিবলৈ কেৱল জকাটোহে থকাৰ দৰে হৈছে ৰনদীপৰ। যি ফটো সামাজিক মাধ্যমত দেখাৰ লগে লগে কান্দি উঠে মাতৃয়ে লগেত ক্ৰোধাম্বিত হৈ উঠে পিতৃ।
‘স্বতন্ত্ৰবীৰ সাবৰকৰ’ নামৰ ছবিৰ বাবে মুখ্য চৰিত্ৰত অভিনয় কৰাৰ লগতে এইবাৰ ডাইৰেক্টৰ হিচাপেও বলীউডত কাম আৰম্ভ কৰিব ৰনদীপে। ৰনদীপৰ বিপৰীতে ছবিখনত কাম কৰিব টেলিভিছন জগতৰ জনপ্ৰিয় অভিনেত্ৰী অংকিতা লোখণ্ডেই। লগতে এইখন ছবিৰ জৰিয়তে বলীউডত এন্ট্ৰি কৰিব ৰনদীপৰ ভনীয়েকে।
এক সাক্ষাতত ৰনদীপৰ ভনীয়েকে কয়, এইদৰে ওজন হ্ৰাসৰ বাবে বহু কষ্ট কৰিব লগা হৈছে। শৰীৰত যাতে কোনো ধৰণৰ ভিটামিন আৰু মিনাৰেল কম নহয় তাৰ বাবে বিশেষ গুৰুত্ব দিয়া হৈছে। ইয়াৰ বাবে বাদামৰ পৰা বনোৱা ঘী আৰু নাৰিকলৰ তেলত বনোৱা খাদ্য খোৱা হৈছে।
উল্লেখ্য যে, ইয়াৰ পূৰ্বে সৰৱজীতৰ বাবেও এইদৰে নিজকে সম্পূৰ্ণ সলাই পেলাইছিল ৰনদীপ হুদাই। সেইবাৰ ২৮ দিনত ২০ কেজি হ্ৰাস কৰিছিল অভিনেতাগৰাকীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
