বিহুৰ দিনাই শেষ হৈ গ’ল তিতাবৰৰ এটা পৰিয়াল, দুৰ্ঘটনাত নিহত দুই যুৱ পুত্ৰ, খবৰ পাই পিতৃয়ো…
পহিলা বহাগৰ দিনটোতে এক অতিকে শোকাৱহ ঘটনা সংঘটিত হৈছে অসমত। একেখন ঘৰৰে তিনিগৰাকীকৈ লোক নিহত। ঘৰখনৰ দুই যুৱ পুত্ৰ নিহত হয় এক দুৰ্ঘটনাত, সেই খবৰ লাভ কৰাৰ পাছতে পিতৃয়েও গ্ৰহণ কৰে তৰন সিদ্ধান্ত।
তিতাবৰত সংঘটিত হৈছে এই শোকাৱহ ঘটনা ৷একেটা পৰিয়ালৰে তিনিজনকৈ সদস্যৰ মৃত্যু ৷ এই মৰ্মান্তিক ঘটনা তিতাবৰৰ খাৰখেৱা গাঁৱত ৷
তিতাবৰ খাৰখোৱা গাঁৱৰ দুজন যুৱক ক্ৰমে অচুৎ ৰঞ্জন গগৈ আৰু পাপু গগৈৱে কৰ্ম সূত্ৰে গোৱাত বাস কৰে। কালি নিশাও নিজৰ কৰ্ম সমাপন কৰি থকা ঠাইলৈ উভতি গৈ আছিল।
সেই সময়তে এক দুৰ্ঘটনাত পতিত। এক মটৰ চাইকেল দুৰ্ঘটনাত পতিত হৈ দুয়ো থিতাতে নিহত হয় ৷ এই মৰ্মান্তিক খবৰটো পাই দিক বিদিক হেৰুৱাই পেলোৱাই দুই যুৱ পুত্ৰৰ পিতৃয়ে। আৰু অৱশেষত নিজৰ বাৰীৰ এজোপা গছত চিপজৰী লৈ চৰম পন্থা বাছি লয়৷
মৃত যুৱক দুজন গোৱাৰ দুটা ব্যক্তিগত কোম্পানীৰ চিকিউৰিটি গাৰ্ড হিচাবে কৰ্মৰত আছিল। একেটা পৰিয়ালৰে তিনিজনকৈ লোকৰ মৃত্যু হেৱাত পৰিয়ালটোৰ লগতে অঞ্চলজুৰি শোকৰ ছাঁ পৰিছে ৷
আৰ্থিকভাৱে অতি দৰিদ্ৰ পৰিয়ালটোৱে এতিয়া দুয়ো ভাতৃৰ মৃতদেহ অসমৰ ঘৰলৈ উভতাই অনাৰ ব্যৱস্থা কৰাৰ বাবে মুখ্যমন্ত্ৰীলৈ কাতৰ অনুৰোধ জনাইছে ৷
বৰ্তমান মৃতদেহ দুটা গোৱাৰ এখন চিকিৎসালয়ৰ মৰ্গত ৰখা হৈছে। আনহাতে দুয়ো পুত্ৰ পিতৃ অনিল গগৈৰ মৃতদেহটো নিশা তিতাবৰ আৰক্ষীয়ে উদ্ধাৰ কৰি মৰণোত্তৰ পৰীক্ষাৰ বাবে যোৰহাট মেডিকেল কলেজলৈ প্ৰেৰণ কৰে ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
