কেৱল দুখন জিলালৈ সকাহ, অন্য সকলোতে এলাৰ্ট, আজিয়ো আহিব বৰষুণ, ধুমুহা, বতাহ, যাত্ৰাৰ পৰিকল্পনা কৰিছে যদি বাৰণ কৰক
বিগত দুটা দিন ধৰি ৰাজ্যৰ ভিন্ন প্ৰান্তত ধুমুহা বৰষুণে বিস্তৰ ক্ষতি সাধন কৰি আছে। ধুমুহাৰ ফলত বহু ঠাইত ঘৰ-দুৱাৰ, গছ-গছনি আদি ভাঙি পৰি বহু লোককো আহত কৰিছে।
কৰবাত যগি তীব্ৰ গতিত অহা ধুমুহা বতাহে ঘৰ-দুৱাৰ উৰুৱাই নিচে, কৰবাত আকৌ বৰষুণৰ ফলত পাহাৰ অঞ্চলত ঘৰৰ ভেটি খহিছে।
কিন্তু তথাপি বতৰ ভাল হোৱাৰ আশা নাই। বতৰ বিজ্ঞান কেন্দ্ৰই আজি সদৰি কৰা বতৰৰ বতৰা অনুসৰি আজিয়ো ৰাজ্যৰ ৩৫ জিলাৰ ৩৩ খনতেই এলাৰ্ট জাৰি কৰে কৰিছে। সেয়েহে যদি আদি দেওবাৰ বুলি কৰবাত যোৱাৰ পৰিকল্পনা কৰিছে তেন্তে বাৰণ কৰক।
পুনৰ আজি ৰাজ্যৰ ৩৩খনকৈ জিলাত ইয়েল্ল’ এলাৰ্ট (Yellow Alert) জাৰি কৰিছে বতৰ বিজ্ঞান বিভাগে। দেওবাৰে Yellow Alert জাৰি কৰা জিলাসমূহত ধাৰাসাৰ বৰষুণৰ লগতে বিজুলী ঢেৰেকনি, ধুমুহা আৰু ৪০ৰ পৰা ৫০ কিলোমিটাৰ বেগত বহাত আহিব বুলি সদৰি।
বতৰ বিজ্ঞান কেন্দ্ৰৰ ফালৰ পৰা সদৰি কৰা অনুসৰি ৩৫ জিলাৰ ৩৩ খনতেই এলাৰ্ট। জাৰি কৰা এলাৰ্ট অনুসৰি, নামনি অসমৰ কেউখন জিলা, আৰু উজনি অসমৰ কেইখন জিলাতে ইয়েল্ল’ এলাৰ্ট। কেৱল মধ্য অসমৰ দুখন জিলাত নাই এলাৰ্ট।
এলাৰ্ট নথকা জিলা দুখন হৈছে নগাঁও আৰু মৰিগাঁও। এই দুখন জিলাৰ বাহিৰে ৰাজ্যৰ অন্য কেউখন জিলাতে এলাৰ্ট জাৰি বতৰ বিজ্ঞান কেন্দ্ৰৰ ফালৰ পৰা। পাছে আজিৰ দিনটোত এই দুখন জিলাত এলাৰ্ট নাথাকিলেও কাইলৈ আৰু পৰহিলৈ সমগ্ৰ ৰাজ্যতে আছে ইয়েল্ল’ এলাৰ্ট।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
