অসমীয়াৰ স্বভিমান গামোচা কেই প্ৰকাৰৰ আৰু কি কি জানেনে, পঢ়ক সবিশেষ

অসমীয়াৰ স্বভিমান গামোচা কেই প্ৰকাৰৰ আৰু কি কি জানেনে, পঢ়ক সবিশেষ

২০২২ চনৰ ১৩ ডিচেম্বৰ তাৰিখে ভৌগোলিক সূচক তথা ডি আই টেগ লাভ কৰাৰ পাছতে গামোচাই এক অনন্য মাত্ৰা লাভ কৰে। বৰ্তমান সময় গামোচা অন্যতম জনপ্ৰিয় বস্ত্ৰ অসমৰ লগতে ভাৰততে। আজিকালি প্ৰায়ে অসমৰ বাহিৰৰ বহু লোককে গামোচা ডিঙিত লৈ থকা দেখা যায়।

অসমৰ সমাজ জীৱনত প্ৰায় বহু ক্ষেত্ৰতে গামোচাৰ ব্যৱহাৰ হয়। পুৱা গা ধোৱাৰ পৰা আৰম্ভ কৰি মন্দিৰত সেৱা কৰা, ফুৰিবলৈ যোৱা আদি সকলোতে ব্যৱহাৰ হয় । পাছে এই গামোচা কেৱ এবিধ দুবিধ নহয় কেইবাপ্ৰকাৰৰ হয়। ইয়াৰ ব্যৱহাৰো তেনেদৰে বিভিন্ন।

গামোচা মুঠ ৭ প্ৰকাৰৰ-

ফুলাম নাইবা বিহুৱান গামোচা- এই গামোচাবিধৰ এটা মুৰে ফুল থাকে, আনটো ফালে আছ তথা লাইন থকাৰ দৰে থাকে। সেই গামোছাহে প্ৰকৃততে লোকক সন্মান যাঁচিবৰ বাবে ব্যৱহাৰ কৰিব লাগে আদৰণি জনাবৰ বাবেও ব্যৱহাৰ কৰিব পাৰি , এক কথাত কবলৈ গলে বিহুৱান হিচাপে ব্যৱহাৰ হয়। চেনাইকো দিয়া হয়।

দৰা বৰণ নাইবা যোৰ গামোচা- এই গামোচাৰ দুয়াটো মুৰে ফুল থাকে। এই গামোচাৰে দৰাক আদৰা হয়। দৰাই দৰাৰ সাজত থকাৰ সময়ত সেই গামোচা ডিঙিত লৈ থাকে।

তিয়নি গামোচা – অসমৰ প্ৰত্যকখন ঘৰতে পোৱা যায় এই তিয়নি গামোচা। ইয়াক ঠাই ভেদে পানী গামোচা বুলিও কোৱা হয়।

তামোল গামোচা- এই গামোচা আকৃতিত একেবাৰে সৰু হয়। ইয়াক সাধাৰণতে তামোল খাই ভাল পোৱা অসময়াই তামোল বান্ধি ককাঁলত খুচনিত বান্ধি লয়।

গোঁসাই গামোচা- গোঁসাইৰ নামত বোৱা হয় এই গামোচা। ইয়াৰ গোটেই খনতে ফুল থাকিব পাৰে নাইবা ভগৱানৰ নামো লিখা থাকিব পাৰে। এই গামোচাও আকৃতিত সৰু হয়। গোঁসাই বিহুৰ দিনা এই গামোচা আগবঢ়োৱা হয় নেদেখাজনলৈ বুলি।

আনকাটা গামোচা – নামনি অসমৰ এবিধ গামোচা। অতি পবিত্ৰ বুলি বিশ্বাস থকা এই গামোচা এটা বাতিত এখনেই লগোৱা হয়। ইয়াক কটা নহয়। যাৰ বাবে ইয়াক আনাকটা বুলি কোৱা হয়। ইয়াৰ দুয়োটা মুৰ ওলাই থকা সুতা গাঁঠি দিয়া হয় বা দহি বটাৰ দৰে কৰে। ইয়াক সাধাৰণতে বিয়া আদিত ব্যৱহাৰ কৰা হয়। এই গামোচা বোৱাৰ বাবে দিন বাৰো চাই লোৱা হয় বুলি কয় মানুহে।

তেলছ গামোচা- এই গামোচাৰ গোটেই গা ঘৰ ঘৰ থকা হয়। ঘৰৰ মাজে মাজে বুটা বছাৰ দৰে সৰু ফুল থাকিব পাৰে। এইখনো নামনি অসমৰ গামোচা। দৰাই বিয়াত পৰিধান কৰে এই গামোচা।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ