আজি তিহাৰত আত্মসমৰ্পণ কেজৰিৱাৰ, ৰাজধানী দিল্লীৰ মুখ্যন্ত্ৰীৰ পুনৰ ঠিকনা হ’ব তিহাৰ জেইলৰ বন্ধ কুঠৰী
দিল্লী আবকাৰী নীতি কেলেংকাৰিৰ সৈতে জড়িত ধন সৰবৰাহৰ গোচৰত অভিযুক্ত মুখ্যমন্ত্ৰী অৰবিন্দ কেজৰিৱালে আজি ২ জুন তাৰিখ দেওবাৰে পুনৰ জেললৈ যাব লাগিব। আজি দেওবাৰে সমাপ্ত হৈছে লোকসভা নিৰ্বাচনত প্ৰচাৰৰ বাবে লাভ কৰা জামিন তথা সকাহৰ ২১ দিনৰ অন্তিম দিন। আনহাতে, বিচাৰ আদালতে তেওঁৰ অন্তৱৰ্তীকালীন জামিনৰ সিদ্ধান্ত ৫ জুনৰ বাবে সংৰক্ষণ কৰে।
কেজৰিৱালে কাৰাগাৰৰ বাহিৰত থাকিবলৈ কেইবাটাও বিফল চেষ্টা চলাইছিল। চিকিৎসা পৰীক্ষা সম্পন্ন কৰিবলৈ অন্তৱৰ্তীকালীন জামিন বৃদ্ধিৰ বাবে উচ্চতম ন্যায়ালয়ত আবেদন জনায়। উচ্চতম ন্যায়ালয়ে চিকিৎসা পৰীক্ষাৰ ভিত্তিত অন্তৱৰ্তীকালীন জামিন বৃদ্ধিৰ দাবী নাকচ কৰি বিচাৰ আদালতৰ কাষ চাপিবলৈ কয়।
মুখ্যমন্ত্ৰী অৰবিন্দ কেজৰিৱালে জেললৈ যোৱাৰ পূৰ্বে আজি পুৱা এক্সত এটা পোষ্ট শ্বেয়াৰ কৰিছে। তেওঁ লিখিছে যে মাননীয় উচ্চতম ন্যায়ালয়ৰ নিৰ্দেশত মই ২১ দিনৰ বাবে নিৰ্বাচনী প্ৰচাৰৰ বাবে ওলাই আহিছিলো। মাননীয় উচ্চতম ন্যায়ালয়ৰ প্ৰতি কৃতজ্ঞতা জ্ঞাপন কৰিছো।
তেওঁ আৰু লিখিছে যে আজি তেওঁ তিহাৰলৈ গৈ আত্মসমৰ্পণ কৰিব। দুপৰীয়া ৩ বজাত ঘৰৰ পৰা ওলাই যাব। প্ৰথমে ৰাজঘাটলৈ গৈ মহাত্মা গান্ধীক শ্ৰদ্ধাঞ্জলি জনাব, তাৰ পৰা কনট প্লেচত অৱস্থিত হনুমান মন্দিৰলৈ গৈ হনুমান জীৰ আশীৰ্বাদ বিচাৰিব। তাৰ পৰা দলৰ কাৰ্যালয়লৈ গৈ সকলো কৰ্মী আৰু দলৰ নেতাক লগ কৰিব। তাৰ পৰা পোনে পোনে আকৌ তিহাৰলৈ ৰাওনা হ’ব।
শনিবাৰে বিচাৰ আদালতত বিশেষ ন্যায়াধীশ কাবেৰী বাৱেজাই তেওঁৰ অন্তৱৰ্তীকালীন জামিনৰ সিদ্ধান্ত সংৰক্ষণ কৰি ৫ জুনত সিদ্ধান্ত নিৰ্ধাৰণ কৰে। দেওবাৰে আত্মসমৰ্পণ কৰিবলগীয়া হোৱাত কেজৰিৱালৰ অধিবক্তাই ন্যায়াধীশক শনিবাৰেহে ৰায় ঘোষণা কৰিবলৈ অনুৰোধ জনায়। অৱশ্যে আদালতৰ ন্যায়াধীশে তেওঁৰ আবেদনক গুৰুত্ব নিদিলে। ন্যায়াধীশগৰাকীয়ে কয় যে এইটো অন্তৱৰ্তীকালীন জামিনৰ বাবে আবেদন আৰু উচ্চতম ন্যায়ালয়ে প্ৰদান কৰা সকাহৰ বৃদ্ধি নহয়, গতিকে ৫ জুনতহে ৰায় দিয়া
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
