Old Monk : ভাৰতৰ অন্যতম জনপ্ৰিয় সুৰাৰ ব্ৰেণ্ড অল্ড মংকক লৈ ডাঙৰ বিতৰ্ক। মহাৰাষ্ট্ৰত মে’-জুনৰ পৰা এই পানীয়ৰ বিক্ৰী বন্ধ হৈ আছে। এতিয়া নিৰ্মাতা কোম্পানীটোৱে বম্বে উচ্চ ন্যায়ালয়ত দাখিল কৰা গোচৰটো প্ৰত্যাহাৰ কৰি নতুন লেবেল জমা দিয়াৰ সিদ্ধান্ত লৈছে। ভাৰতীয় খাদ্য সুৰক্ষা আৰু মান প্ৰাধিকৰণ (FSSAI)ৰ আপত্তিৰ বাবেই এই পদক্ষেপ।
কিয় মহাৰাষ্ট্ৰত অল্ড মংকৰ বিক্ৰী নিষিদ্ধ?
এফ এছ এছ এ আইয়ে ৰাইগাড জিলাৰ খোপোলিত থকা অল্ড মংকৰ উৎপাদন কেন্দ্ৰ পৰিদৰ্শন কৰে। কেন্দ্ৰীয় নিয়ন্ত্ৰক সংস্থাই এই পানীয় নিৰ্মাণৰ সুবিধা পৰিদৰ্শন কৰাৰ পিছতে এই পানীয়ৰ বিক্ৰী নিষেধাজ্ঞা আৰোপ কৰাৰ নিৰ্দেশ দিয়ে। এফ এছ এছ এ আইৰ মূল আপত্তি আছিল পানীয়ৰ উপাদান আৰু বটলত থকা লেবেলৰ ওপৰত।
সংস্থাটোৱে দাবী কৰিছে যে ওল্ড মংকৰ সামগ্ৰীত বাহ্যিক উৎসৰ পৰা ৰামৰ সোৱাদ পোৱা যায়। কিন্তু বটলত ‘ফ্লেভাৰযুক্ত লিকুৰ’ নে ‘ৰামৰ সোৱাদযুক্ত স্পিৰিট’ সেই কথা স্পষ্টকৈ উল্লেখ কৰা হোৱা নাই। ইয়াৰ ফলত গ্ৰাহকৰ মাজত পানীয়ৰ প্ৰকৃত উপাদান সম্পৰ্কে বিভ্ৰান্তিৰ সৃষ্টি হ’ব পাৰে বুলি এফ এছ এছ এ আইয়ে কয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
