পানী নে বিষ, কি খাই আছে জানেনে! প্লাষ্টিকৰ বটল কিমান বিপদজনক হ’ব পাৰে…
বৰ্তমানে বটলত ভৰোৱা পানী আমাৰ জীৱনৰ এক গুৰুত্বপূৰ্ণ অংশ হৈ পৰিছে, ঘৰৰ পৰা কৰ্মস্থলী, ভ্ৰমণ সকলোতে ব্যৱহাৰ প্লাষ্টিক বটল। আমি কোনো চিন্তা নকৰাকৈ ব্যৱহাৰ কৰি আছো এই বটল বোৰ। পাছে এই পানী শৰীৰৰ বাবে উপকাৰী হোৱাৰ সলনি বিষ হিচাপেহে ধৰা দিছে।
এক অধ্যয়নত প্ৰকাশ পোৱা তথ্য অনুসৰি, এক লিটাৰ বটলত ভৰোৱা পানীত প্ৰায় ২.৪০ লাখ মিহি প্লাষ্টিকৰ টুকুৰা থাকে, যি স্বাস্থ্যৰ বাবে গুৰুতৰ আৰু মাৰাত্মক বিপদ হ’ব পাৰে ।
বটলৰ পানী যেতিয়া সূৰ্যৰ পোহৰ বা তাপৰ সংস্পৰ্শলৈ আহে তেতিয়া এই ৰাসায়নিক পদাৰ্থবোৰ পানীত দ্ৰৱীভূত হৈ শৰীৰৰ ভিতৰলৈ গৈ ক্ষতি কৰে। ইয়াৰ উপৰিও প্লাষ্টিক কাৰ্বন, হাইড্ৰজেন, অক্সিজেন আৰু ক্লৰাইডৰ দ্বাৰা তৈয়াৰ কৰা হয়, যিটো বিপিএ প্লাষ্টিকৰ পানীৰ বটল তৈয়াৰ কৰাত ব্যৱহাৰ কৰা হয়।
প্লাষ্টিকৰ বটলত খোৱা পানী কিমান বিপদ?
১) ডায়েবেটিছ আৰু হৃদযন্ত্ৰৰ বাবে বিপদ:
হাৰ্ভাৰ্ড স্কুল অৱ পাব্লিক হেল্থৰ গৱেষণা অনুসৰি পলিকাৰ্বনেটৰ বটলৰ পানীত বিচফেনল এ ৰাসায়নিক পদাৰ্থ থাকে, যিটো শৰীৰত প্ৰৱেশ কৰিলে হৃদৰোগ আৰু ডায়েবেটিছৰ সম্ভাৱনা বহুগুণে বৃদ্ধি কৰিব পাৰে।
২) প্ৰজনন ক্ষমতাত প্ৰভাৱ পৰে:
প্লাষ্টিকৰ বটলত বিপিএ আৰু ফেটলেটছ ৰাসায়নিক পদাৰ্থ থকা পানী খোৱাটোৱে প্ৰজনন ক্ষমতাত গুৰুতৰ প্ৰভাৱ পেলাব পাৰে। এই পানী খালে হৰম’নৰ ভাৰসাম্যতাও বিঘ্নিত হ’ব পাৰে। ইয়াৰ বাবে বন্ধ্যাত্বৰ দৰে সমস্যাও হ’ব পাৰে।
৩) কৰ্কট ৰোগৰ আশংকাঃ
বিশেষজ্ঞসকলৰ মতে প্লাষ্টিকৰ বটলত পানী খালে বহু প্ৰকাৰৰ কৰ্কট ৰোগৰ সম্ভাৱনা বৃদ্ধি পাব পাৰে। ইয়াৰ ফলত স্তন আৰু মগজুৰ কৰ্কট ৰোগ হ’ব পাৰে। প্লাষ্টিক পলিথিনত ৰখা গৰম খাদ্য খোৱা বা খোৱাটোৱে কেন্সাৰ হোৱাৰ সম্ভাৱনা বহু পৰিমাণে বৃদ্ধি কৰিব পাৰে। এই পানী খালে লিউকেমিয়া আৰু লিম্ফোমা আদি ৰোগৰ সম্ভাৱনাও বৃদ্ধি পায় ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
