গংগাজল হিন্দু ধৰ্মত অতি পবিত্ৰ বুলি কোৱা হয়৷ যিকোনো পবিত্ৰ কামৰ পূৰ্বেই গংগাজল চটিয়াই স্থান পবিত্ৰ কৰাৰ উপৰিও গংগাজল সেৱন কৰাটো অতি পবিত্ৰ বুলি হিন্দু শাস্ত্ৰত উল্লেখ আছে৷ শুনি আচৰিত যেন লাগিলেও হিন্দুৱে পবিত্ৰ বুলি মনা গংগাজল খাইছিল আকবৰেও৷ আকবৰে তেওঁৰ জীৱন কালত অন্য পানী কাহানিও সেৱন কৰা নাছিল৷ আজীৱন পানীৰ ঠাইত তেওঁ গংগাজলেই সেৱন কৰিছিল৷
আকবৰে গংগাৰ পানীক পবিত্ৰ জ্ঞান কৰিছিল৷ সেই পবিত্ৰ জলেই তেওঁ আজীৱন সেৱন কৰি আছিল৷ আকবৰে বিশ্বাস কৰিছিল যে সেই পানী সেৱন কৰিলে তেওঁ কেৱল শাৰীৰিক সতেজতা লাভ কৰাই নহয় আধ্যাত্মিকভাৱেও শক্তিশালী হৈ উঠিছিল৷ শান্তি লাভ কৰিছিল আকবৰে বুলি নিজেই জনাইছিল৷
সেই সময়ত আকবৰৰ লিগিৰাই ৰাজপ্ৰসাদলৈ প্ৰতিদিনেই কঢ়িয়াই আনিছিল গংগাৰ পানী৷ গংগাৰ পানীৰ সৈতে আকবৰৰ আনুগত্যই তেওঁ হিন্দু ধৰ্মৰ প্ৰতি আগ্ৰহী আছিল সেই কথাৰেই প্ৰমাণ দিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
