বহু বছৰৰ পাছত প্ৰকাশ গোপন কথা, ঐশ্বৰ্য ৰায় ছলমান খানৰ ভগ্নী হ’বলৈ ওলাইছিল এখন চিনেমাত, পাছে…
ছলমান খান আৰু ঐশ্বৰ্য ৰায় বচ্চনৰ যুটিয়ে ১৯৯৯ চনত সঞ্জয় লীলা ভাঞ্চালীৰ ছবি ‘হম দিল দে চুকে সনাম’ত আলোড়নৰ সৃষ্টি কৰিছিল। এই ছবিখনৰ পৰাই ঐশ্বৰ্যৰ প্ৰেমত পৰিছিল ছলমান। চিনেমাখনেও ছলমান-ঐশ্বৰ্যৰ যুটি খুবেই পচন্দ কৰিছিল।। কিন্তু জানেনে এই ছবিখনৰ পিছত ঐশ্বৰ্যই ২০০০ চনত এখন ছবিত ছলমান খানৰ ভগ্নীৰ চৰিত্ৰতো অভিনয় কৰিবলৈ ওলাইছিল।
১৯৯৯ চনৰ পিছত ছলমান খান আৰু ঐশ্বৰ্য ৰায়ক বলীউডৰ শ্ৰেষ্ঠ যুটি বুলি অভিহিত কৰিবলৈ আৰম্ভ কৰিছিল অনুৰাগীসকলে। কিন্তু ২০০০ চনত দুয়োকে এখন ছবিত ভাই-ভনীৰ চৰিত্ৰত অভিনয় কৰিবলৈ অফাৰ দিয়া হৈছিল। পাছে ছলমানে পোনেই নাকচ কৰিছিল সেই অফাৰ। যি পাছত ছলমানৰ সলনি শ্বাহৰুখে কৰিছিল সেই চৰিত্ৰ।
২০০০ চনত অহা সেই ছবিখন হৈছে ‘জোছ’। এই ছবিখনত ঐশ্বৰ্যই শ্বাহৰুখ খানৰ ভগ্নীৰ চৰিত্ৰত অভিনয় কৰিছিল। চন্দ্ৰচুৰন সিঙকো চিনেমাখনত এক গুৰুত্বপূৰ্ণ চৰিত্ৰত দেখা গৈছিল। কিন্তু শ্বাহৰুখৰ আগতে আমিৰ আৰু ছলমানক ছবিখনত অভিনয় কৰিবলৈ অফাৰ দিয়া হৈছিল।
কিন্তু ছলমানে ঐশ্বৰ্যৰ ককায়েক হবলৈ মান্তি হোৱা নাছিল। আনহাতে আমিৰৰ হাতত নাছিল সময়। যাৰ বাবে শ্বাহৰুখৰ হাতলৈ গৈছিল সেই ছবি। শ্বাহৰুখে কোনো আপত্তি নকৰাকৈ কৰিছিল সেই চৰিত্ৰ।
ঐশ্বৰ্যই নিজেই সাক্ষাৎকাৰত কৈছিল যে এই ছবিখনত শ্বাহৰুখৰ ভগ্নীৰ চৰিত্ৰত অভিনয় কৰাত তেওঁৰ কোনো সমস্যা নাই। তেওঁ কৈছিল যে মই ভাবিছিলো এইটো নতুন হ’ব, এইটো বেলেগ হ’ব। এই ভূমিকাত তেওঁ বিশেষ কিবা এটা দেখিছিল আৰু যি দৰ্শকেও আঁকোৱালি লৈছিল। সেই সাক্ষাততেই কৈছিল ছলমান আৰু আমিৰৰ কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
