আপুনি স্বৰ্গ যাব নে নৰক, ভাৰতৰ এইটো মন্দিৰতেই নিৰ্ণয় হয় সকলো
ভাৰতৰ এটা এনে মন্দিৰ, যি মন্দিৰত নিৰ্ণয় হয় আপুনি স্বৰ্গ যাবনে নৰক। মৃত্যুৰ পাছত কোনে কি স্থান পাই সেয়া ভাৰতৰ হিমাচল প্ৰদেশত থকা এটা মন্দিৰত নিৰ্ণয় হয়। সেই মন্দিৰটো হৈছে ৰাজ্যখনৰ চম্বাত থকা শ্যাম চৌৰাছী মন্দিৰ।
এই মন্দিৰটো বিশ্বৰ একমাত্ৰ যমৰাজৰ মন্দিৰ। মান্যতা অনুসৰি এই মন্দিৰটোত মৃত্যুৰ দেৱতা যমৰাজৰ ন্যায়ালয় বহে। এই মন্দিৰত মৃ্ত্যুৰ পাছত কোনে কি স্থান পাব সেয়া নিশ্চিত হয়।
নিজৰ নিজৰ কাম অনুযায়ী তথা পাপ-পূণ্য অনুযায়ী এই মন্দিৰত থকা যমৰাজে স্বৰ্গ অথবা নৰকলৈ প্ৰেৰণ কৰে। বিশ্বাস কৰা হয় যে, মৃত্যুৰ পাছত সকলোৰে আত্মাবোৰ এই মন্দিৰলৈ আহে।
এই মন্দিৰটো দেখাত ঘৰৰ দৰে আৰু ইয়াত মুঠ ৮৪টা সৰু-ডাঙৰ মন্দিৰ আছে। এটা কোঠাত যমৰাজ আৰু আনটো কোঠাত চিত্ৰগুপ্ত বাস কৰে। এই অঞ্চলত বিশ্বাস কৰা হয় যে মন্দিৰটোৰ চাৰিখন অদৃশ্য দুৱাৰ আছে, সেই দুৱাৰ কেইখন সোণ, ৰূপ, তাম আৰু লোহাৰে নিৰ্মিত।
যমৰাজৰ সিদ্ধান্তৰ পিছত যমদূতসকলে কৰ্ম অনুযায়ী এই দুৱাৰেদি আত্মাক স্বৰ্গ বা নৰকলৈ লৈ যায়। আনকি গৰুড় পুৰাণতো যমৰাজৰ দৰবাৰত চাৰিটা দিশত চাৰিখন দুৱাৰৰ কথা উল্লেখ আছে।
যমৰাজৰ ক্ৰোধৰ পৰা পৰিত্ৰাণ পাবলৈ ভাই দুজৰ দিনা মন্দিৰত বহু ভক্তৰ সমাগম হয়। কোৱা হয় যে ভাই দুজৰ দিনা যমৰাজে ভনীয়েক যমুনাক লগ কৰিবলৈ আহে। এই কাৰণে ভাই দুজত যমৰাজৰ বিশেষ পূজা কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
