হাতৰ ৰেখাই আমাৰ সম্পৰ্কে বহু তথ্য জনায়৷ জ্যোতিষশাস্ত্ৰত হস্তৰেখাৰ কথা বিশদভাৱে উল্লেখ আছে৷ জ্যোতিষশাস্ত্ৰৰ মাধ্যমেৰে আমি হাতৰ ৰেখাৰ বিষয়ে স্পষ্টভাৱে জানিব পাৰো৷ আমাৰ সকলোৰে হাতত ৰেখাৰ কটাকটি থাকে৷ কথিত যে এই আঁকবাকবোৰেই আমাৰ ভৱিষ্যৎ সম্বন্ধে জনায়৷ এই ৰেখাৰ আঁকবাকবোৰৰ মাধ্যমেৰেই হস্তৰেখাবিদসকলে আমাৰা চাৰিত্ৰিক বৈশিষ্ট্য জনায়৷
হাতৰ ৰেখাত X চিহ্ন থাকিলে তেনে মানুহৰ জীৱনকাল কেনে হয়? জ্যোতিষ শাস্ত্ৰমতে হাতৰ ৰেখাত X চিহ্ন থকা মানুহৰ ভাগ্য সকলো সময়তে তুংগত থাকে৷ সেই ব্যক্তিয়ে জীৱনত কিবা নহয় কিবা এটা বিষয়ত সুনাম অৰ্জন কৰিব পাৰে৷ গৱেষণাত জনা গৈছে যে সমগ্ৰ বিশ্বৰ মাত্ৰ ৩০ শতাংশ মানুহৰ হাতৰ তলুৱাত এই চিহ্ন আছে৷
হাতৰ তলুৱাত X চিহ্ন থকাৰ উপকাৰীতা
১. এই চিহ্ন যিসকল ব্যক্তিৰ হাতত থাকে তেওঁলোকে জীৱনত সুনাম অৰ্জন কৰে৷ খুব সহজেই মানুহৰ প্ৰিয় হৈ উঠে৷
২. এই চিহ্ন হাতত থকা মানুহে সমাজত নিজকে প্ৰতিষ্ঠিত কৰিব পাৰে৷ ভাল কামৰ বাবে এওঁলোকক মানুহে চিৰকাল মনত ৰাখে৷
৩. এই সকল মানুহৰ ইন্দ্ৰিয় অত্যন্ত সজাগ হয়৷ এওঁলোকৰ বুদ্ধিমত্তা চাবলগীয়া৷
৪. X চিহ্ন তলুৱাত থাকিলে তেওঁলোক প্ৰচুৰ সম্পত্তিৰ মালিক হয়৷
৫. এই ধৰণৰ মানুহৰ কৰ্মশক্তি অন্যান্যসকলৰ তুলনাত বেছি হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
