মহালয়া কেতিয়া, ধৰালৈ কেতিয়া আগমণ হ’ব মা দুৰ্গাৰ

মহালয়া কেতিয়া, ধৰালৈ কেতিয়া আগমণ হ’ব মা দুৰ্গাৰ

হিন্দু ধৰ্মত দুৰ্গা পূজা তথা নৱৰাত্ৰিৰ সময়ছোৱা অতি গুৰুত্বপূৰ্ণ বুলি গণ্য কৰা হয়। এই সময়ছোৱাত উদযাপন কৰা মহালয়াৰো বিশেষ তাৎপৰ্য আছে। এইবাৰ ৩ অক্টোবৰ বৃহস্পতিবাৰৰ পৰা আৰম্ভ হৈছে শাৰদিয় নৱৰাত্ৰি। এনে পৰিস্থিতিত নৱৰাত্ৰিৰ সময়ত কেতিয়া মহালয়া পালন কৰা হ’ব আৰু ইয়াৰ ধৰ্মীয় তাৎপৰ্য কি !

প্ৰতি বছৰে আহিন মাহৰ কৃষ্ণ অমৱশ্যা তিথিত মহালয়া পালন কৰা হয় , যিটো পিত্ৰু পক্ষৰ অন্তিম দিনো। এনে পৰিস্থিতিত হিন্দু পঞ্জিকা অনুসৰি এইবাৰ পিত্ৰু পক্ষৰ অন্তিম দিন ০২ অক্টোবৰ বুধবাৰ। সেয়েহে মহালয়াও ২ অক্টোবৰতহে উদযাপন কৰা হ’ব।

মহালয়াত মাতৃ দুৰ্গা পৃথিৱীত উপস্থিত হোৱাৰ দিন বুলি গণ্য কৰা হয় আৰু এই দিনটোত দুৰ্গা মাক আদৰিবলৈ পূজা কৰা হয়। একে সময়তে এই দিনটোক বেয়াৰ ওপৰত ভাল বুলিও দেখা যায়। পিছদিনা শাৰদিয়া নৱৰাত্ৰি আৰম্ভ হয় আৰু কলাছ প্ৰতিষ্ঠা হয়। এই উৎসৱ মূলতঃ পশ্চিমবংগ, অসমত অধিক জনপ্ৰিয়।

হিন্দু ধর্মমতে, মহালয়াৰ দিনটোতে দেৱ-দেৱীকুলে দুর্গাপূজাৰ বাবে নিজকে জাগ্রত কৰে। আজিৰ দিনটোতে গংগাতীৰত প্রার্থনা কৰি ভক্তসকলে মৃত আত্মীয়-স্বজন আৰু পূর্বপুৰুষৰ আত্মাৰ মংগল কামনা কৰে। আজিৰ দিনটোত পুৱতিনিশাৰ পৰাই সমগ্ৰ দেশৰ স্থায়ী দুর্গা মণ্ডপসমূহত চণ্ডীপাঠ আৰু পূজা-অর্চনাৰে দুর্গা দেৱীক আবাহন কৰা হয়।

হিন্দুধৰ্মীয় বিশ্বাস অনুসৰি, মহালয়াৰ জৰিয়তে ধৰালৈ আগমন ঘটে শক্তিৰ অধিষ্ঠাত্ৰী দেৱীৰ। পুৰাণৰ মতে, অশুভ অসুৰ শক্তিৰ ওচৰত পৰাভূত দেৱতাসকলে স্বর্গলোকচ্যুত হোৱাৰ পিছত চাৰিওফালে আৰম্ভ হয় অশুভ শক্তিৰ প্রতাপ। এই অশুভ শক্তি বিনাশ কৰিবলৈ একত্রিত হয় দেৱতাগণ। তেতিয়াই দেৱতাৰ তেজৰশ্মিৰ পৰা আৱির্ভাৱ হয় অসুৰবিনাশিনী দেৱী দুর্গাৰ।

মহালয়াৰ সময়ত ঘোৰ অমাৱস্যা থাকে। তেতিয়াই দুর্গা দেৱীৰ তেজোদ্বীপ্ত আলোকত সেই অমাৱস্যা দূৰ হয়। প্রতিষ্ঠা লাভ কৰে শুভশক্তিয়ে। জনশ্ৰুতি অনুসৰি, হিমালয়ৰ কৈলাসৰ পৰা সুদূৰ পথেৰে প্রতিবছৰে দুর্গা দেৱী সমতল ভূমিলৈ নামি আহে। লগত আহে গণেশ, কার্তিক, লক্ষ্মী আৰু সৰস্বতী।

প্রতিবছৰে শৰতকালত দেৱী দুর্গাৰ এই আগমন হয়। ষষ্ঠী পূজাৰে শাৰদীয় দুর্গোৎসৱৰ আনুষ্ঠানিকতা আৰম্ভ হ’লেও মূলতঃ মহালয়াৰ পৰাই দুর্গা দেৱীৰ আগমনৰ ধ্বনি শুনিবলৈ পোৱা যায়। উল্লেখযোগ্য যে এই দিনটোতেই অস্থায়ী মৃন্ময় মা দূর্গাৰ প্ৰতিমা সমূহত চকু আঁকি প্ৰাণ প্ৰতিষ্ঠা কৰা হয়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ