এই যুগেই ছ’চিয়েল মিডিয়াৰ যুগ৷ ছচিয়েল মিডিয়া এতিয়া মানুহে নিজৰ প্ৰতিভা প্ৰদৰ্শন, স্বীকৃতি লাভ আৰু ধন উপাৰ্জনৰ মাধ্যমত পৰিণত হৈছে। বহুতে ছ’চিয়েল মিডিয়া ব্যৱহাৰ কৰি নিজৰ প্ৰতিভাক বিশ্বৰ আগত প্ৰদৰ্শন কৰাৰ বিপৰীতে একাংশই ইয়াক ব্যৱহাৰ কৰি নিজৰ বাৰ্তা বিশ্ববাসীলৈ প্ৰেৰণ কৰিছে।
ছ’চিয়েল মিডিয়াই এতিয়ালৈকে বহু লোকক সফলতাৰ উচ্চতাত উপনীত হোৱাত সহায় কৰিছে। নিজে নিজৰ সৈতে বিবাহপাশত আবদ্ধ হোৱা এইগৰাকী বিখ্যাত টিকটক তাৰকা কুব্ৰা আয়কুটৰ নাম হয়তো আপোনালোকে পূৰ্বেও শুনিছে৷ সেই টিকটক তাৰকা কুব্ৰা আয়াকুটেই আত্মহত্যা কৰিছে।
খবৰ অনুসৰি সোমবাৰে ইস্তানবুলৰ চুলতানবেলি জিলাৰ এটা বিলাসী এপাৰ্টমেণ্টৰ পঞ্চম মহলাৰ পৰা জপিয়াই নিজৰ জীৱন শেষ কৰিছে কুব্ৰাই। আৰক্ষীয়ে মৃতদেহটো জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে। আইকুটৰ জন্মস্থানতেই তেওঁৰ শেষকৃত্য সম্পন্ন কৰা হ’ব। টিকটক তাৰকাগৰাকীৰ মৃত্যুৰ খবৰে স্তম্ভিত কৰি তুলিছে এতিয়া তেওঁৰ লাখ লাখ অনুৰাগীক। কিয় কুব্ৰাই হঠাৎ ল’লে এই সিদ্ধান্ত?
দৰা অবিহনে বিয়া অৰ্থাৎ নিজকে নিজে বিয়া কৰাই কুব্ৰা বিখ্যাত হৈ পৰিছিল। বিয়াৰ ভিডিঅ’টোৰ পিছত কুব্ৰাৰ ফেন ফ’ল’ৱাৰছৰ সংখ্যা ভয়ংকৰভাৱে বৃদ্ধি পালে। তাৰপিছতেই ছচিয়েল মিডিয়া তেওঁৰ উপাৰ্জনৰো এক মাধ্যম হৈ পৰিছিল৷ সেইগৰাকী কুব্ৰা এতিয়া এই পৃথিৱীত নাই৷ স্থানীয় কৰ্তৃপক্ষইও মৃতদেহৰ ওচৰত এখন চুইচাইড নোট উদ্ধাৰ কৰিছে। মৃত্যুৰ কাৰণ জানিবলৈ অব্যাহত আছে তদন্ত। বিগত কেইদিনমানৰ পৰা কুব্ৰাই অহৰহ ছ’চিয়েল মিডিয়াত কিছুমান অদ্ভুত পোষ্ট শ্বেয়াৰ কৰি আহিছে৷
ছচিয়েল মিডিয়াৰ জৰিয়তে তেওঁ নিজৰ উদ্বেগ অনুৰাগীৰ সৈতে শ্বেয়াৰ কৰিছিল। এই পোষ্টবোৰে যেন ইংগিত দিয়ে যে তেওঁ ব্যক্তিগত জীৱনত কিছু অসুবিধাৰ সন্মুখীন হৈছে৷ ইয়াৰ উপৰিও শেহতীয়াকৈ তেওঁ নিজৰ ওজনৰ বিষয়ে এটা পোষ্টো শ্বেয়াৰ কৰিছিল। কম ওজনে কুব্ৰাক চিন্তিত কৰি তুলিছিল। লগতে তেওঁৰ ওজন কমি যোৱাৰ বিষয়ে এটা পোষ্ট শ্বেয়াৰ কৰে। কুব্ৰা আয়কুতে তেওঁৰ শেষৰ পোষ্টটোত লিখিছিল- ‘মই সকলোধৰণেই চেষ্টা কৰিছো, কিন্তু মোৰ ওজন বৃদ্ধি হোৱা নাই। মোৰ ওজন দিনক দিনে কমি আহিছে। এতিয়া কি কৰিম নাজানো।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
