অতিকে কৰুণ ঘটনা, ৫০ যাত্ৰীসহ দ-খাৱৈত বাগৰিল বাছ, বৰ্তমানলৈ ২৫ নিহত
উত্তৰাখণ্ডৰ আলমোৰাত সংঘটিত হৈছে এক বৃহৎ পথ দুৰ্ঘটনা। মাৰ্চুলাৰ সমীপৰ খাৱৈত বাগৰি পৰে এখন বাছ। এই দুৰ্ঘটনাত বৰ্তমানলৈ ২৫ জন লোকৰ মৃত্যু হৈছে। আনহাতে বহু লোক আহত হৈছে। মৃত্যুৰ সংখ্যা বৃদ্ধি পাব পাৰে বুলি শংকা ব্যক্ত উদ্ধাৰকাৰী দলৰ। থিতাতে সাহায্য আৰু উদ্ধাৰৰ কাম চলি আছে। ঘটনাস্থলীৰ বাবে ৰাওনা হৈছে এছ ডি আৰ এফৰ দল।
তথ্য অনুসৰি আজি পুৱা নাইনি দণ্ডাৰ পৰা ৰামনগৰলৈ যোৱা এখন বাছ খাৱৈত বাগৰি পৰে। গীত জাগীৰ নদীৰ পাৰত বাছখন বাগৰি পৰাত ২৫ জন লোকৰ মৃত্যু হৈছে। আনহাতে বহু লোক আহত হৈছে।
বাছখনে নৈনদণ্ডৰ কিনাথৰ পৰা যাত্ৰী কঢ়িয়াই অনা বুলি প্ৰাথমিক তথ্য লাভ কৰা হৈছে। বাছখন ৰামনগৰলৈ যাবলগীয়া আছিল। চাৰাদ বান্দৰ সমীপত বাছখন নদীত বাগৰি পৰিছে।
দুৰ্ঘটনাৰ সময়ত বাছখনত ৫০জনতকৈ অধিক যাত্ৰী আছিল বুলি সদৰি। দুৰ্ঘটনাটোৰ পিছত নিজেই একাংশ যাত্ৰী বাছৰ পৰা নামি আহে। কিছুমান মানুহ সিঁচৰতি হৈ চিটিকি পৰে। বৰ্তমানেও দুৰ্ঘটনাস্থলীতে চলি আছে সাহায্য আৰু উদ্ধাৰৰ কাম। আহতসকলক চিকিৎসালয়লৈ নিয়াৰ কাম চলি আছ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
