মহিলাৰ পোছাকৰ মাপ ল’ব নোৱাৰিব কোনো পুৰুষে৷ মহিলাৰ চুলিও কাটিব নোৱাৰিব কোনো পুৰুষে৷ মহিলাৰ সুৰক্ষাৰ বাবেই এই প্ৰস্তাৱ আনিছে উত্তৰপ্ৰদেশৰ মহিলা কমিছনে৷ বিগত ২৮ অক্টোবৰত মহিলাসকলৰ নিৰাপত্তা আৰু সুৰক্ষাক লৈ ৰাজ্যৰ মহিলা কমিছনৰ এখন বৈঠক অনুষ্ঠিত হৈছিল৷ তাতেই সেই প্ৰস্তাৱ উত্থাপন কৰা হৈছিল৷
মহিলা কমিছনৰ সদস্য হিমানী আগৰৱালাই জনোৱা অনুসৰি বৈঠকত মহিলা কমিছনৰ তৰফৰ পৰা প্ৰস্তাৱ দিয়া হৈছে যে মহিলা দৰ্জিসকলেহে মহিলাসকলক পোছাকৰ মাপ ল’ব পাৰিব৷ কাপোৰ চিলোৱা দোকানসমূহত চিচিটিভিও বহুওৱা উচিত৷ একেই নিয়ম চেলুনসমূহতো হোৱা উচিত৷ মহিলাসকলৰ চুলি কেৱলমাত্ৰ মহিলাইহে কাটিব পাৰিব৷’
মহিলা কমিছনৰ চেয়াৰমেন ববিতা চৌহানে এই প্ৰস্তাৱ দিছে৷ বৈঠকত উপস্থিত অন্যান্য সদস্যসকলেও এই প্ৰস্তাৱত সন্মতি দিছে৷ তেওঁলোকৰ বক্তব্য, দৰ্জি বা নাপিতৰ দৰে পেচাত য’তে ত’তে স্পৰ্শ কৰা হয় ইয়াত মহিলাসকলক বেড টাচ্ছেই বহুতে দিয়ে৷ বহু পুৰুষেই বেয়া উদ্দেশ্যৰেই স্পৰ্শ কৰে বুলি মহিলাই অভিযোগ দিয়ে৷ কিন্তু সকলো পুৰুষৰেই স্পৰ্শ বেয়া তেনে কথাও নাই৷
মহিলা কমিছনে জনোৱা অনুসৰি এয়া প্ৰস্তাৱহে দিয়া হৈছে৷ ৰাজ্য চৰকাৰে এই প্ৰস্তাৱ বিবেচনা কৰিব চাব৷ ৰাজ্য চৰকাৰৰ কাষত এই বিষয়ে আইন অনাৰ অনুৰোধ কৰিব মহিলা কমিছনে৷ এই ঘটনা বিজেপি শাসিত ৰাজ্যসমূহত বাৰে বাৰে উঠিছে৷ বহু ৰাজ্যতেই নাৰী সুৰক্ষিত নহয় বুলি দাবী উঠিছে৷ নানান ধৰণে নাৰীক বেড টাচ্ছ কৰা হৈছে৷ এইবাৰ যোগী ৰাজ্যত নাৰী সুৰক্ষাৰ এই প্ৰস্তাৱ দিছে উত্তৰপ্ৰদেশৰ মহিলা কমিছনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
