মৰ্মান্তিক, চালকৰ এটা মাথো ভুলৰ বাবে প্ৰাণ হেৰুৱালে ৬ জনকৈ লোকে
যোৱা নিশা প্ৰায় ২ মান বজাত সংঘটিত হোৱা এক অতিকে ভয়ংকৰ দুৰ্ঘটনাত একেলগে প্ৰাণ হেৰুৱালে ৬ জনকৈ লোকে। চালকৰ এটা মাথো ভুলৰ বাবে এইদৰে প্ৰাণ হেৰুৱাব লগা হয় লোক কেইগৰাকীয়ে। এই ভয়ংকৰ দুৰ্ঘটনা সংঘটিত হৈছে উত্তৰাখণ্ডৰ ডেৰাডুনৰ অ’এন জি চি চক ৰোডত।
এখন ইনোভা বাহন আৰু এখন কণ্টেইনাৰ ট্ৰাকৰ মাজত সংঘটিত হোৱা সংঘৰ্ষৰ ফলতে এইদৰে প্ৰাণ হেৰুৱাই ৬ জন লোকে। এই সংঘৰ্ষ ইমানেই ভয়াৱহ আছিল যে ট্ৰাকখনৰ সৈতে খুন্দা মৰাৰ পিছতে ইনোভা বাহনখন উফৰি গৈ পথৰ দাঁতিত থকা গছ এজোপাৰ সৈতে খুন্দা মাৰে।
দুৰ্ঘটনাটোত ইনোভা বাহনখন উফৰি গৈ টুকুৰা টুকুৰ হৈ পৰে। আনকি বাহনখনৰ বহু অংশও ৰাস্তাত সিঁচৰতি হৈ পৰে। দুৰ্ঘটনাৰ সময়ত বাহনখনত মুঠ ৭গৰাকী লোক আছিল। দুৰ্ঘটনাটোৰ ফলত বাহনখনত থকা সাতোজন লোক বেয়াকৈ আবদ্ধ হৈ পৰে। থিতাতে ৬ জন লোকৰ মৃত্যু হোৱাৰ বিপৰীতে এজন যুৱক গুৰুতৰভাৱে আহত হয়।
ঘটনাৰ বিষয়ে খবৰ লাভৰ লগে লগে ঘটনাস্থলীত আৰক্ষী উপস্থিত হয় , যদিও দুৰ্ঘটনাৰ দৃশ্য দেখি শিহৰিত হৈ পৰে। বাহন কাটি টানি কোনোমতে আৰক্ষীয়ে মৃতদেহবোৰ উলিয়াই অনাৰ লগতে আহত লোকগৰাকীকো উদ্ধাৰ কৰি হাস্পতাললৈ প্ৰেৰণ কৰে।
আৰক্ষীৰ তদন্তত ধৰা পৰে যে, দুৰ্ঘটনাৰ সময়ত ইনোভা বাহনখনৰ গতিবেগ অতিমাত্ৰা আছিল। বাহনখনে কণ্টেইনাৰ খনক পিছ পেলাই আহিবলৈ অভাৰটেক কৰাৰ সময়তে এই দুৰ্ঘটনাটো সংঘটিত হয়। অভাৰটেকেই কাল হৈ নামে বাহনখনত থকা কেউজনৰ বাবে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
